E fundit!

11:47 Aktualitet

Video/ Bllokohet lëvizja në sheshin "Skënderbej", qytetarët të revoltuar, debatojnë me efektivët

Ditën e sotme në sheshin “Skënderbej” është zhvilluar fest...

“Rritjet, si për mëshirë”/ Paketa për krizën ndez debat mes Tabakut dhe Ibrahimajt: Ju nuk dini as të lexoni

8 Shtator 2022, 12:16, Politikë CNA

Deputetja Jorida Tabaku, në seancën e sotme plenare ka deklaruar se ndryshe nga sa deklaron Qeveria shqiptare nuk ka asnjë paketë antikrizë. Sipas Tabakut, nuk ka asnjë paketë të tillë dhe se sot janë 50 milionë euro rutinë me ndryshim buxheti për të cilët nuk përfiton në mënyrë të qëndrueshme asnjë grup.

"Sa herë ka një krizë kjo qeveri fillon dhe ankohet. Nuk mund të ndodhë ndryshe edhe këtë herë. E ka fajin opozita për çdo gjë në këtë vend, edhe pse ka 8 vite në opozitë. Kryeministri flet për ndërtimet pa leje, sikur do t’i prishë këto ndërtime të lejuara po nga këto. Rama tha se këtë vit qeveria shqiptare nuk ka paketë por është ndryshim normal buxheti. E gjitha është 50 mln euro. Duhet t’i shpjegoj dikush këtij se indeksim lidhet me normën e inflacionit. Çmimet janë rritur nga 7.5% deri në 29% për disa produkte. Dhe rritjet janë si për mëshirë.

Pse nuk diskutojmë sot për një paketë si të gjitha vendet e tjera. Gjermania ka bërë paketë mbështetëse 65 miliardë. Vende të tjera kanë vendosur çmim tavan për energjinë. A e dëgjuat të flasë për klubin e oligarkëve? A e dëgjuat të flasë për fermerët? Janë të gjitha politika normale! Vetë e pranoi që ‘NUK KA PAKETË’. Nuk përfiton në mënyrë të qëndrueshme asnjë grup! Si mund të rrisësh pagën minimale dhe të mos e ndihmosh biznesin që i shtohet një kosto shumë e madhe në kohë krize, tha Tabaku.

Ndërkohë, ministrja e Financave, Delina Ibrahimaj, u është përgjigjur akuzave të Tabakut ndaj qeverisë për paketën e dytë të rezistencës sociale.

‘Këtë refren akuzash do të dëgjojmë sa kohë që ju nuk dini as të lexoni as të dëgjoni. Flisni për shifra mbështetëse që nuk e di se ku i gjeni, por shifra është 43 mld lekë deri tani. Do ta shihini që me paketën që kemi marrë është e duhura. Qytetarët shqiptarë janë mësuar më gënjeshtrat tuaja, që jeni mësuar me ulje taksash e rritje rrogash, ku matematika e thjeshtë nuk u del.’- u shpreh Ibrahimaj./CNA.al