web counter
LEXO PA REKLAMA!

SHKARKO APP

App Store
Google Play

E fundit!

x

“Po i paguani 80 mijë euro në ditë Veliajt”/ Këlliçi-qytetarëve: Në Kryesi po zhvillohet një mbledhje turpi

18 Dhjetor 2023, 16:01, Politikë CNA
“Po i paguani 80 mijë euro në ditë Veliajt”/
Belind Këlliçi

Ish-deputeti dhe anëtari i Kryesisë së PD-së, Belind Këlliçi, e ka cilësuar si mbledhje turpi atë që po zhvillohet në Kryesi për mandatin e ish-kryeministrit Berisha.

Pas protestës, Këlliçi u kujton qytetarëve se po i paguajnë 80 mijë euro kryebashkiaut Erion Veliaj për incenerator fantazmë dhe për shërbime që nuk i marrin.

“Kemi ardhur sot këtu në protestë sepse çdo ditë e më shumë Shqipëria u përngjan regjimeve diktatoriale, po i ngjan Rusisë, ku lideri i opozitës burgoset, ku bëhet gjithçka për të luftuar opozitën.

Po i ngjajmë çdo ditë e më shumë Venezuelës, Mianmarit, vendeve të Afrikës qendrore ku ka diktaturë të tmerrshme. Ky është standardi që na ka sjellë Edi Rama pas dhjetë viteve në krye të qeverisjes. Kemi parë se si 7 vite në kryeqytet, ju paguani për një incenerator fantazmë që nuk ekziston.

Çdo ditë që kalon, ju i paguani 80 mijë euro në ditë, Erion Veliajt për një shërbim që nuk e merrni. Dhe kush është përgjegjës?

Përgjegjës në këtë Kryesi Kuvendi, ku po zhvillohet një mbledhje turpi e Këshillit të Rregullores, që duhet të mblidhej në fakt për të shqyrtuar heqjen e imunitetit dhe të mandatit të Kryeministrit Rama, për shkak se është kapur në vjedhje për më shumë se dhjetë vite, sot po tentohet të goditet opozita, të goditet Sali Berisha jo si individ.

Sali Berisha sot nuk është vetëm individi Sali Berisha. Sali Berisha është kryetari i opozitës, i opozitës reale të vendit, i cili ka refuzuar të bëjë kompromis me të keqen, i cili prej dy vitesh udhëheq një opozitë të pakompromentuar, që udhëheq betejat tuaja dhe të interesit publik”, shkruan Këlliçi./ CNA





Lajmet e fundit nga