web counter
LEXO PA REKLAMA!

SHKARKO APP

App Store
Google Play

E fundit!

x

Ministri i Brendshëm, si punëtor i komunales së Rilindjes

7 Tetor 2024, 22:45, Politikë CNA
Ministri i Brendshëm, si punëtor i komunales së Rilindjes
Ervin Hoxha

Sot opozita zhvilloi një protestë. Një protestë të gjatë sa në Kryeministri dhe në institucionet e tjera të shtetit. Protesta vazhdoi për disa orë. Ajo që bie në sy është fakti se policia njoftoi se janë 10 policë të plagosur.

Kërkon të ngrejë propagandën e viktimës se kishte një protestë të dhunshme. Në fakt Ervin Hoxha turpësisht po kthehet në një propagandues i vogël në mbrojtje të tualeteve, të WC-ve të Erion Veliajt, të pushtetit të kryeministrit.

Janë me dhjetëra qytetarë që janë mbytur në gaz, janë dhunuar. Tani duan të thonë se paska bërë gjëmën opozita.

Ministri i Brendshëm, si punëtor i komunales së Rilindjes

Ministri i Brendshëm dhe drejtori i policisë i parazgjedhur prej tij shkoi dhe vizitoi policët. Askush nuk kujdeset për qytetarët dhe të drejtat e tyre.

Në fakt Ervin Hoxha duket si një hoxhë që lutet në xhami për Rilindjen, për të nxjerrë nga banjo, nga WC-ja kryebashkiakun e Tiranës, për të shpëtuar të pashpëtueshmit, për një protestë që nuk ishte asgjë as më shumë dhe as më pak se një veprim i vërtetë, një aksion qytetar dhe tani ministri ynë i Rendit, njeriu i Forcave të Sigurisë pasi dështoi në aksionin e tij do të na thotë se paska ndodhur gjëma.

Asgjë më shumë se sa kaq nuk ka ndodhur protesta i bën mirë demokracisë i bën mirë ministrit i bën mirë kryeministrit kjo për një arsye shumë të thjeshtë, demokracia ka nevojë për protesta dhe sot protesta e opozitës nuk kishte ndonjë dhunë kaq të madhe për tu shqetësuar Ervin Hoxha dhe të tjerët.

Ishte një protestë shumë herë më e qetë se sa ato që ndodhin rrugëve të Europës, por si gjithmonë “Rilindja” kërkon ta shesë se ishte e dhunshme viktima ishte policia kur në fakt askush nuk ushtroi dhunë ndaj policisë dhe policia u lëndua nga vetja e saj.

Ndoshta është koha që ministri i Brendshëm, kryeministri dhe të gjithë me radhë të kuptojnë që qytetarët protestojnë, qëndrojnë përballë korrupsionit dhe krimit, përballë pushtetit të korruptuar dhe asgjë më shumë se sa kaq./ CNA





Lajmet e fundit nga