web counter
LEXO PA REKLAMA!

SHKARKO APP

App Store
Google Play

Mblidhet Grupi Parlamentar i PD-së/ Berisha: Rama përdor mandatet e krimit si bajoneta

11 Mars 2026, 14:06, Politikë CNA

Mblidhet Grupi Parlamentar i PD-së/ Berisha: Rama përdor mandatet e

Kryetari i Partisë Demokratike, Sali Berisha, drejtoi sot mbledhjen e Grupit Parlamentar.

Në fjalën e tij nga selia blu, Berisha akuzoi kryeministrin Edi Rama se përdor mandatet si bajoneta kundër qytetarëve shqiptarë.

Sipas Berishës, aktet e Ramës po krijojnë një skenar të zi, atë të shkëputjes së Shqipërisë nga procesi i integrimit në BE.

“Mblidhemi sot një ditë para një akti të pashembullt në historinë e parlamentarizmit shqiptar në 34 vite pluralizëm.

Mblidhemi një ditë para se kreu i organizatës kriminale, Edi Rama, të përdorë mandatet e krimit të tij si bajoneta kundër çdo shqiptari. Mblidhemi në një kohë kur për të mbrojtur lëkurën e tij, për të mbrojtur krimet që ka kryer, ai vendos t’i mbyllë dyert drejtësisë shqiptare. Vendos 'de facto' asgjësimin e pushtetit gjyqësor. Vendos mburojën e plotë të mazhorancës së krimit apo mandateve të krimit për vjedhjet e tij dhe të qeveritarëve.

Vendos në kuadrin e një skenari më të ziun, skenarit të shkëputjes së Shqipërisë nga procesi i integrimit në BE.

Pas përpjekjesh të jashtëzakonshme të bëra në vite për një ëndërr të kahershme të shqiptarëve. Për një ëndërr të rilindësve tanë gjeni, që një komb që zgjohet pas 5 shekujsh lindje, e projektojnë në perëndim.

E projektojnë zonjë në Europë. Tani del një Haxhi Qamil. Tani del një bandit. Del një njeri pa nder, pa flamur.

Një apatrid që vetëm pak muaj më parë bërtiste për pasaportën europiane që do t'u dhuronte shqiptarëve dhe tani u nxjerr pasaportën e Beogradit në vend të saj.

Ky është një akt jashtëzakonisht i rëndë, i cili shtyn masivisht shqiptarët që të heqin dorë nga ndërtimi i ëndrrës së tyre europiane në Shqipëri dhe të marrin rrugët e dheut për ta ndërtuar atë në vende të tjera.

Ky është një akt që vetëdijshëm e shkëput Shqipërinë nga aleatët natyralë, me të cilët e bashkoi në frymë Lëvizja e Dhjetorit 1990 dhe hapat e tjerë të mëtejshëm që u bënë.

Arritjet e padiskutueshme në fushën e integrimit euroatlantik, integrimi në NATO, MSA, pranimi i kërkesës së Shqipërisë për proces anëtarësimi, akordimi i statusit kandidat dhe pastaj më në fund hapja e negociatave.

Të gjitha këto, Edi Rama i shkelmon për shkak të veprimtarisë së tij kriminale të dyanshme. Vjedhjen e tij të çmendur dhe të pakufishme të pasurive dhe fondeve publike për veten dhe familjen e tij”,-tha Berisha./CNA





Lajmet e fundit nga