web counter
LEXO PA REKLAMA!

SHKARKO APP

App Store
Google Play

E fundit!

x

Porto Romano/ Karakaçi: Kemi tërheqje të ofertuesit të vetëm, nuk mund ta pengojnë projektin

11 Mars 2026, 14:00, Politikë CNA

Ministri i Infrastrukturës dhe Energjisë, Enea Karakaçi, ka folur për mediet pas mbledhjes së qeverisë.

Karakaçi bëri me dije se ofertuesi i vetëm që ishte në garë për portin e Porto Romanos është tërhequr, për arsye tërësisht ekonomike.

Sa i përket vijimit të projektit, ministri Karakaçi deklaroi se do të ndërtohet një skenar tjetër dhe asnjë aktor nuk do të mundet të frenojë projektin.

Më tej, Karakaçi deklaroi se nuk do të ketë vonesa në projekt pasi është ende në fazën e parë, nuk ka lidhje me situatën.

“Kemi një tërheqje të ofertuesit të vetëm që kishte mbetur në garë, me një arsye krejtësisht ekonomike. Komisioni do të vijojë me procedurën. Rikujtoj se kryeministri e tha qartë që ka aktorë që po përpiqen ta frenojnë për qëllime të ndryshme, do të ndërtojmë një skenar tjetër dhe çdo aktor tjetër nuk do të mundet ta frenojë këtë projekt të rëndësishëm. Gjatë gjithë procesit të prokurimit, autoriteti portual i Durrësit ka pasur një kontratë të posaçme dhe gjithë dokumentet ligjore kanë qenë pjesë. Projekti i Porto Romanos ka mbi dy vite që është hetuar.

Nuk ka vonesa sepse është me faza dhe kontraktori është në fazën një, nuk ka lidhje me fazën me të cilën po flasim”, tha Karakaçi./CNA





Lajmet e fundit nga