web counter
LEXO PA REKLAMA!

SHKARKO APP

App Store
Google Play

E fundit!

x

Lulzim Basha nis përzgjedhjen e kandidatëve/ Zbulon dy përfaqësuesit e tij në Lezhë

25 Shkurt 2025, 08:53, Politikë CNA
Lulzim Basha nis përzgjedhjen e kandidatëve/ Zbulon dy
Lulzim Basha

Pas shpalljes së partisë së tij të re, Euroatlantike, Lulzim Basha ka filluar përzgjedhjen e kandidatëve të mundshëm për zgjedhjet e ardhshme parlamentare. Ai tashmë ka krijuar një bërthamë mbështetësish, ndërsa në qarkun e Lezhës janë konfirmuar dy emrat e parë që do të jenë në listën e tij: Prel Dedaj dhe Aleksandër Jushi.

Kush janë dy kandidatët e parë të Bashës në Lezhë?

Prel Dedaj, një emër i panjohur më parë në politikën shqiptare, është me origjinë nga Kurbini dhe prej vitesh jeton në Shtetet e Bashkuara të Amerikës. Aleksandër Jushi, nga ana tjetër, është arkitekt nga Lezha dhe një figurë e njohur në fushën e tij.

Kush do të jenë emrat e tjerë në listë?

Ende nuk dihet se cilët do të jenë emrat e tjerë që do të pasojnë listën e kandidatëve të Bashës në këtë qark. Ai është ndjekur nga disa ish-demokratë në Lezhë, të cilët mund të jenë pjesë e skuadrës së tij politike.

Një nga figurat që është parë në krah të Bashës, por ende nuk është zyrtarizuar si kandidat, është ish-deputeti socialist, Eduart Ndocaj, i njohur ndryshe si “kaubojsi”.

Burime pranë tij thonë se ai është i bindur se do të jetë pjesë e listës së kandidatëve, por ende nuk ka një njoftim zyrtar nga Basha.

Me afrimin e zgjedhjeve, pritet që Basha të zbulojë emra të tjerë dhe të forcojë strukturën e re politike që po ndërton./ CNA





Lajmet e fundit nga