web counter
LEXO PA REKLAMA!

SHKARKO APP

App Store
Google Play

Kryebashkiaku publikoi transkripitin e seancës/ Lala: Mund të ketë akuzë të re ndaj Veliajt

24 Shkurt 2025, 21:54, Politikë CNA

Kryebashkiaku publikoi transkripitin e seancës/ Lala: Mund të

Gazetarja Klodiana Lala e ftuar në MCN TV ka folur mbi transkriptin e publikuar sot nga Erion Veliaj, për të cilën ky i fundit pretendon se është nga seanca gjyqësore e 12 shkurtit.  Lala tha se ndaj Erion Veliajt mund të ketë një akuzë të re nëse vërtetohet se ka manipuluar transkriptin e publikuar nga audi gjyqësore.

Gazetarja Lala tha se kanosja që Veliaj po i bën prokurorit Dado duket të jetë strategjike, pasi nëse Ols Dado u drejtohet institucioneve do t’i duhet të tërhiqet nga çështja, sipas ligjit.

Lala tha se audio e seancës do t’i nënshtrohet një akseskpertimi për të kuptuar nëse ka ndërhyrje të mundshme.

 

“Gjuha e Veliajt është e papranueshme, por është strategjike. Kanosja ndaj prokurorit është vepër penale, që ndiqet me ankimin e prokurorit. Nëse Ols Dado i drejtohet institucioneve, duhet të japë dorëheqjen dhe të largohet nga çështja. Veliaj po ndjek këtë strategji për të detyruar prokurorin që të largohet. Deri tani Ols Dado i ka qëndruar presioneve. Gjuha është sigurisht e papranueshme. Veliaj ka pretenduar sot, ka nxjerrë një transkript ku pretendohet se gjatë senacës së masës së sigurisë, prokurori i ka thënë “ndyrësirë”. Veliaj pretendon se e ka zbardhur nga audio këtë.

Prokuroria dhe gjykata e mohuan këtë fakt, në asnjë moment gjatë dëgjimit të audios, nuk rezulton që prokurori ta ketë përdorur këtë shprehje. Ka një version audio të paqartë, por prokuroria e posaçme dhe gjykata, po shohin mundësinë e ngritjes së një akuze të re, për falsifikimin. Audio do t’i nënshtrohet akt ekspertimi nën dyshimet për ndërhyrje të mundshme. Audion origjinale e ka gjykata e posacme. Nëse ka manipuluar mund të ketë akuzë të re ndaj zotit Veliaj. Sistemi është lehtësisht i verifikueshëm nëse ka ndërhyrje, kjo është strategjia e prokurorëve", tha Lala./ CNA





Lajmet e fundit nga