web counter
LEXO PA REKLAMA!

SHKARKO APP

App Store
Google Play

E fundit!

x

KQZ jep detajet/ Komisioni Rregullator miraton karakteristikat e fletës së votimit nga jashtë

14 Shkurt 2025, 16:30, Politikë CNA

KQZ jep detajet/ Komisioni Rregullator miraton karakteristikat e fletës

Komisioni Qendror i Zgjedhjeve njoftoi sot se Komisioni Rregullator miratoi karakteristikat teknike të fletës së votimit për zgjedhësit me banim jashtë territorit të Republikës së Shqipërisë, për zgjedhjet për Kuvend të datës 11 maj 2025.

Fletët e votimit nga jashtë do të jenë prej letre, do të kenë të njëjtën ngjyrë, trashësi dhe elemente konfigurimi të tilla që të mos lejojnë leximin e votës në pjesën e pasme të saj, njëlloj si tek fleta e votimit nga brenda territorit të Republikës së Shqipërisë.

Fleta përmban elementë teknik në formën e kodeve që identifikojnë zonën zgjedhore, qendrën e votimit, si dhe elemente të tjera identifikuese që nuk lexohen me sy të lirë.

Përveç elementeve të sigurisë së letrës, fleta e votimit do të përmbajë dhe disa elementë teknikë në formën e kodeve që identifikojnë qarkun dhe elementë të tjerë identifikues që nuk lexohen me sy të lirë (QR code).

Fleta e votimit nga jashtë do të ketë si element të veçantë dallues nga fleta e votimit nga brenda vendit:


1. Kreu i fletës së votimit ku vendosen elementët e përgjithshëm të fletës së votimit është pa ngjyrë (e bardhë) me lartësi 30 mm dhe kjo fletë votimi emërtohet “FLETË VOTIMI NGA JASHTË”.


2. Në pjesën e pasme të fletës së votimit do të ketë dy shiritë veritikalë me ngjyrë të përafërt me të kaltrën, me kod (CMYK): (C 70%, M 0%, Y 31% K 0%)./CNA 

 





Lajmet e fundit nga