web counter
LEXO PA REKLAMA!

SHKARKO APP

App Store
Google Play

“Janë lesheli”/ Rama: Duhet një korporatë e nivelit të lartë për sistemin e trajtimit të mbetjeve

14 Korrik 2025, 09:27, Politikë CNA

“Janë lesheli”/ Rama: Duhet një korporatë e nivelit

Kryeministri Edi Rama ka pranuar edhe sot dështimin me inceneratorët në mbledhjen me drejtuesit politikë të qarqeve.

Rama tha se duhet një korporatë e re që të adresojë marrëdhëniet me donatorët dhe institucionet financiare, duke cekur se janë lesheli.

Kryeministri tha se qoftë për ujin, qoftë për trajtimin e mbetjeve duhet të kalojmë në nivel kombëtar, duhet të kalojmë në korporatë të nivelit më të lartë.

“Na duhet një ndërmarrje kombëtare e ujit dhe na duhet një korporatë e re e cila të adresojë problemin e investimeve, të adresojë problemin e të gjitha marrëdhënieve me donatorë dhe me  institucionet financiare në gjithë Shqipërinë që janë lesheli dhe të adresojë problemin e fragmentarizimit të burimeve dhe të menaxhimit që pas 30 e ca vitesh është e kotë të presim që të na sjell rezultatet e dëshiruara. Nuk mund të rrimë të presim. Qoftë për ujin qoftë për trajtimin e mbetjeve duhet të kalojmë në nivel kombëtar, duhet të kalojmë në korporatë të nivelit më të lartë.

Duhet të kalojmë në një nivel tjetër me shërbimin e ujit dhe investimet dhe transparencën në të gjitha këto procese ku ka shumë aktorë dhe ka shumë humbje të të gjitha natyrave.

Kemi një hartë në sistemin e trajtimit të mbetjeve që është më ndryshe, por s’duhet të konsolidohet dhe duhet të bëhet një sistem i trajtimit të mbetjeve në nivel kombëtar”, tha Rama./ CNA





Lajmet e fundit nga