web counter
LEXO PA REKLAMA!

SHKARKO APP

App Store
Google Play

E fundit!

x

"Ç'interes ka Mane tek Dvorani?"/ Gazetari nxjerr bllof "ushtarin" e Bashës

22 Dhjetor 2022, 18:18, Politikë CNA
"Ç'interes ka Mane tek Dvorani?"/ Gazetari nxjerr bllof
Gazmend Bardhi, Ardian Dvorani

Seanca parlamentare e sotme është shoqëruar nga debate të shumta, lidhur me zgjedhjen e anëtarit të Gjykatës Kushtetuese, ku deputetët e Lulzim Bashës, kanë akuzuar qeverinë se po manipulon procesin për të zgjedhur të preferuarin e PS, Ardian Dvoranin.

Lidhur me këtë situatë ka reaguar gazetari i njohur Hysni Gurra, i cili ka analizuar më tej ato që Gazment Bardhi tha gjatë fjalës së tij në Kuvend, ku u shpreh se qeveria po zgjedh këtë figurë sepse në këtë mënyrë favorizon oligarkët e tij, ku veçoi disa emra, ndër to edhe Zamir Manen.

Në reagimin e tij në rrjetet sociale, gazetari ka “zbërthyer” fjalën e deputetit përçarës, duke ngritur një pyetje sipas tij logjike: Ç’interes ka Samir Mane te anëtari i Gjykatës Kushtetuese?

Më tej në analizën e tij, gazetari ngre një tjetër çështje që hedh dyshime mbi retorikën e përdorur nga Bardhi: "Ku e merr guximin ai që të kundërshtojë një person me dekoratë në gjoks nga Amelika?"

Reagimi i plotë:

Po mirë mo dakord, luftarak Gazi, opozitar, shqiponjë…

Po si, kush mund të më thotë ç’interes ka Samir Mane te anëtari i gjykatës kushtetuese? Dmth si? Ku? Çfarë?

Të ishte se bëhej fjalë për ndonjë tender, për ndonjë PPP, për ndonjë pronë publike, fshat turiatike etj, hajde de, zinte vend çdo aludim ndaj Manes.

Po jo për anëtarin e Gjykatës Kushtetuese.

Ç’i duhet? Çfarë e pengon apo favorizon Gjykata Kushtetuese atë në bizneset e tij?

Po mirë, Gazin kush e detyroi të bashkojë votat me Ramën për zgjatjen e afateve të vettingut, një bashkëpunim i turpshëm i tyre. Amelika, mund të thotë Gazi.

Po mirë Amelika Dvoranin e ka dekoruar si kampion anti-korrupsioni. Pse e kundërshton Gazi? Se mirë Berisha e Meta janë “çmendur” e kanë kundërshtuar qysh herët- po Gazi ku e merr guximin që të kundërshtojë një person me dekoratë në gjoks nga Amelika???

Pra…?!/CNA.al





Lajmet e fundit nga