LEXO PA REKLAMA!

SHKARKO APP

Inceneratorët, “mollë sherri”/ Bylykbashi “kapet” me Ramën: Je si tango e gjimnazit, 2 me 1.

21 Dhjetor 2022, 22:02, Politikë CNA

Inceneratorët, “mollë sherri”/ Bylykbashi

Afera e inceneratorëve ka shkaktuar përplasje dhe tensione sapo në Kuvend ka mbërritur kryeministri Edi Rama.

Kreu i Qeverisë u përplas fillimisht me deputetin e PD-së, Agron Shehaj, dhe më pas me nënkryetarin e PD-së, Oerd Bylykbashi.

Ky i fundit kritikoi Ramën për fjalorin e përdorur në Parlament, ndërsa kryeministri iu drejtua duke i thënë të mësojë shqip, por Bylykbashi iu përgjigj me tone të ashpra.

Replikat:

Bylykbashi: Kryeministri është njësoj si të tjerët para rregullores, me atë që tha duhet të merren ndëshkime.

Rama: Mëso shqip!

Bylykbashi: Me shqipen mos më thuaj mua. Je si tango e gjimnazit, 2 me 1, i mërzitshëm. E ke të zorshme që të merresh me mua për shqipen. Kaq mëso të flasësh. Po iu drejtohem të gjithë deputetëve jo vetëm ju. Është e vështirë për shqiptarët që mos të kuptojnë se çfarë po ndodh me këtë kompaninë skandaloze të inceneratorëve. O zonja kryetare ka mundësi që të rivendosësh kohën. Sa më takon mua, mu drejtove dhe po të kthej përgjigje. Është e vështirë për çdo shqiptar që të mos e kuptojë se çfarë po ndodh me inceneratorët. Këtu nuk ka nevojë se është shumë e trashë që ne na duhet që t’i tregojmë kryeministrit prova. SPAK nuk ka këllqe të të hetojë, i themi ndiq paranë. Borselino dhe Falconi e shpikën për mafian, por ne mafian e kemi në Qeveri./ B.A. – CNA.al

Lajmet e fundit nga