web counter
LEXO PA REKLAMA!

SHKARKO APP

App Store
Google Play

E fundit!

x

“Duhet të hapte krahun”/ Gjikondi: Veliaj ka mbajtur peng prej muajsh Bashkinë e Tiranës

17 Shtator 2025, 22:35, Politikë CNA

“Duhet të hapte krahun”/ Gjikondi: Veliaj ka mbajtur peng prej

Juristja Brizida Gjikondi tha sot se kryebashkiaku i arrestuar i Tiranës, Erion Veliaj, ka mbajtur peng për muaj të tërë institucionin dhe drejtimin e kryeqytetit, teksa ndodhet në Burgun e Durrësit që prej muajit shkurt. 

Në një dalje televizive, Gjikondi u shpreh se Veliaj duhet të kishte dhënë dorëheqjen që në fillim.

Gjikondi shtoi se fija e moralit në këtë çështje, nuk duhet të ishte përdorur politikisht.

“Unë e gjykoj si një procedurë morale, kjo ka tre këndvështrime, moral, politik dhe ligjor. Veliaj duhet të ketë vetëdijen se ka qenë në atë post nga zgjedhja e PS dhe Ramës, duhet të jepte dorëheqjen pa i dhënë gojë Berishës. PS bashkë me Këshilltarët e  saj i takon që të ndjekë këtë procedurë. Veliaj për këto muaj ka mbajtur peng Bashkinë e Tiranës.

 

Tirana nuk mund të jetë peng i asnjë situate personale. Kemi parë që gjatë këtyre 7 muajve në Tiranë ndjehet kaosi i një mosqeverisjeje efikase. E kam thënë që në fillim, që Veliaj duhet të hapte krahun. Duke patur si strehë politikën, jam një mesazh dhe imazh shumë të shëmtuar. Ishte një mesazh se sa larg realitetit janë politikanët shqiptarë, që kanë humbur çdo fije morale. Nuk duhet ta përdorë politikisht, aq më tepër familjen e tij politike që e sollën deri atje.

 

Këshilli Bashkiak kërkon shkarkimin e Veliajt në mënyrë objektive. Duhet të shikojmë se çfarë do të bëjë grupi i djathtë, që deri më parë ngeli në derë të bashkisë që Veliaj të jepte dorëheqjen kurse tani po i dalin në mbrojtje. Tani edhe vetë bashkia si administratë e ka kuptuar që ka filluar një epokë tjetër. Ankimi i Veliajt, mund të mos futet fare në Gjykatën Kushtetuese”,-tha Gjikondi./CNA





Lajmet e fundit nga