E fundit!

16:16 Aktualitet

Faktet/ Pse Veliaj vonon procesin gjyqësor dhe frika që ka nga drejtësia

Një person, i cili beson te pafajësia e tij, shkon dhe për...

Deputetët e PD-së, manifestim dhe takime në PE/ “Rama ka kapur çdo pushtet dhe po arreston kundërshtarët politikë”

23 Tetor 2024, 13:40, Politikë CNA

Deputetët e PD-së, manifestim dhe takime në PE/ “Rama ka

Grupi Parlamentar i Partisë Demokratike në shenjë simbolike iu drejtua Strasburgut për të ngritur zërin kundër inkriminimit të qeverisë Rama, zgjedhjeve të blera nga krimi i organizuar dhe narko mafia.

Kreu i Grupit Parlamentar, Gazment Bardhi, dhe nënkryetari i Partisë Demokratike, Agron Gjekmarkaj, deputetet Albana Vokshi dhe Jorida Tabaku zhvilluan takime informale me drejtues të grupeve parlamentare në Parlamentin Europian, ndërsa jashtë selisë së PE-së ndodhej grupi parlamentar i PD-së në një manifestim sensibilizues.

Deputetët demokratë mbanin në duar pankarta me mesazhe drejtuar europarlamentarëve: “Liri për Berishën", “Shqipëria-Parti Shtet”, "Duam t’i bashkohemi Europës, jo me varka”, "Zgjedhjet në Shqipëri si të Stalinit", "Ka rëndësi kush numëron, jo kush voton!", “Liri për deputetin Salianji”, etj.

Deputetët demokratë e quajtën të domosdoshme këtë protestë simbolike në Strasburg.

Tomorr Alizoti tha për mediat se PD duhet në mënyrë urgjente të vendosë kontakte me europarlamentarët, me anëtarët e CDU, anëtarët e partive të djathta. “PD duhet të perceptohet si një parti e qendrës së djathtë”, tha Alizoti.

Edi Paloka theksoi se sensibilizimi i eurparlamentarëve ka të bëjë me situatën në Shqipëri. Është vërtetuar tashmë, tha ai, që Rama shet çdo interes dhe çdo gjë të shqiptarëve për të përfituar pak mbështetje që ai e quan mbështetje ndërkombëtare.

“Ne duhet të sensibilizojmë të gjitha institucionet ndërkombëtare për atë që po ndodh në Shqipëri. Një situatë që po rëndohet çdo ditë e më shumë. Nuk jemi në prag-diktature, jemi në diktaturë. Ajo që ndodhi me ish-presidentin me një rrëmbim banditesk i bërë qëllimisht nga Edi Rama nuk duhet të ketë asnjë dyshim se pas një akti të tillë është dora e Edi Ramës është si të thuash fundi i asaj që konsiderohet demokraci në Shqipëri. Sali Berisha jo vetëm u njoh si kryetar i Partisë Demokratike por iu kërkua në emër të Partive Popullore që të dërgojë përfaqësues të Partisë Demokratike”, tha Paloka.

Deputeti Dashnor Sula tha se duhet t’i tregohet opinionit ndërkombëtar që Shqipëria nuk është ashtu siç e përshkruan Edi Rama apo mediat proqeveritare.

“Po të bësh një paralele mes PE-së dhe Parlamentit shqiptar diferencat janë me shekuj, në një errësirë ku është Parlamenti shqiptar dhe PE ku është simboli i demokracisë”, tha deputeti Sula.

Për deputeten Lindita Metaliaj Partia Demokratike po sensibilizon europarlametarët për t’i bërë një "skaner" situatës së rëndë dhe dramatike në të cilën ndodhet Shqipëria.

“Jemi në një vit paraelektoral ku në 2025 kemi zgjedhjet parlamentare dhe në një vend ku është asgjësuar Kushtetuta dhe nuk ekziston shteti ligjor, ku janë eliminuar zgjedhjet e lira dhe të ndershme, kërkojmë qeveri teknike dhe zgjedhje pa Ramën kryeministër”, tha Metaliaj.

Deputeti Petrit Doda ritheksoi se opozita proteston për të drejtat e qytetarëve sepse Rama kërkon të asgjësojë opozitën.

Deputetët demokratë do të vijojnë takimet me përfaqësues të rëndësishëm të Parlamentit Europian./ CNA