web counter
LEXO PA REKLAMA!

SHKARKO APP

App Store
Google Play

Deputetët e Lulit dhe të Berishës, ushtarë të Veliajt

31 Mars 2024, 21:47, Politikë CNA
Deputetët e Lulit dhe të Berishës, ushtarë të Veliajt
Fotomontazh - Erion veliaj dhe Bashkia e Tiranës

3 drejtorë të Erion Veliajt ndodhen në qeli dhe të tjerë zyrtarë janë lënë në detyrim paraqitje apo po hetohen për aferat në Bashkinë e Tiranës.

Megjithatë, kur temë debati duhet të ishin aferat e Bashkisë së Tiranës, deputetët e PD-së së Lulzim Bashës, përfshirë edhe këtë të fundit, por edhe deputetët e Sali Berishës janë vënë në shërbim të Veliajt.

Shumica e deputetëve kanë heshtur përballë këtij skandali, duke u kthyer kështu në ushtarë të Veliajt.

Të vetmit që kanë folur për arrestimet e drejtorëve nga njerëzit e Lulit janë Mirela Karabina, Merita Bakiu dhe Edvin Kulluri, ky i fundit me një reagim të shkurtër.

Ndërkohë, deputetët e tjerë si Flutura Açka, Arbi Agalliu, Andia Ulliri, Seladin Jakupllari, Oriola Pampuri apo edhe Ori Nebijaj nuk kanë thënë asnjë fjalë.

Ata kanë heshtur përballë një afere të madhe. Në këtë listë mund të përmendim edhe deputetët që kalojnë sa te Basha te Berisha, duke u shfaqur të lëkundur para elektoratit demokrat, por duket se kanë qenë në një mendje për të heshtur lidhur me aferat e drejtorëve të Veliajt.

Ushtarë të Veliajt janë bërë edhe Agron Gjekmarkaj, Ervin Salianji, Jorida Tabaku, Klevis Balliu apo edhe emra të tjerë.

Kështu, njëjtë si Gazment Bardhi që nxori një denoncim të vjetër për OIsi Ramën, për të devijuar vëmendjen nga arrestimet e SPAK-ut, ata kanë zgjedhur të mos merren me drejtorët e bashkive, por me vëllain e kryeministrit Edi Rama.

Duke qenë se qytetarët shpesh nuk mund të ngrenë zërin para padrejtësive, ata shpresojnë që ligjvënësit për të cilët kanë votuar dhe iu paguajnë me taksa pagat, të ngrenë zërin për ta lidhur me aferat.

Deputetët e PD-së kanë zgjedhur jo vetëm të heshtin, por të bëhen palë me mazhorancën, e në këtë rast Veliajn, për t’i dhënë një dorë kur ai është në vështirësi nga korrupsioni që ka kapluar bashkinë më të madhe në vend./ CNA





Lajmet e fundit nga