web counter
LEXO PA REKLAMA!

SHKARKO APP

App Store
Google Play

E fundit!

x

Demokratët në protestë/ Basha fshihet

7 Tetor 2024, 11:54, Politikë CNA
Demokratët në protestë/ Basha fshihet
Lulzim Basha

Njeriu që keqpërdori për 8 vite Partinë Demokratike, njeriu që në mënyrë të pabesueshme u pasurua duke qenë në opozitë, ai dhe familjarët e tij shtuan vilat dhe pasuritë, ky quhet Lulzim Basha.

Erdhi në PD dhe e mbushi atë me klounë, me të paaftë, me servilë, me ata që disa kohë ishin pas Lulit dhe tani janë pas Saliut.

E përdori partinë opozitare për xhepat e tij, për pazaret e tij me Edi Ramën dhe kjo ndodhi që mandatin e tij të parë si kryetar, në vitin 2017, më pas bëri gjithçka që të shkonte në qeveri me Edi Ramën. (Lexo këtu)

Demokratët në protestë/ Basha fshihet

Lulzim Basha humbi turpshëm në 2021-shin, nuk u largua, përjashtoi edhe Berishën, që në fakt kafshoi dorën që e kishte përkëdhelur dhe e kishte çuar atje ndoshta për ta mbajtur peng PD-në. (Lexo këtu)

Luli mendoi se u rrit dhe tashmë mund ta hidhte pronarin e tij të vërtetë, por ajo që ndodh sot është edhe më e neveritshme.

Shqiptarët do të protestojnë, qytetarët do të protestojnë, opozita do të protestojë. Ka më shumë se 11 vjet Rama në pushtet dhe tashmë po mbush vitin e fundit të mandatit të tretë dhe Luli fshihet në vend që të dalë të protestojë, t’u bëjë thirrje njerëzve të shkojnë e të mbushin sheshet, të shkojë dhe vetë atje, të protestojë si opozitar. (Lexo këtu)

Demokratët në protestë/ Basha fshihet
Lulzim Basha

Ndoshta nuk do të protestojë në të njëjtën orë me Saliun, mund të shkonte para tij, mund të kishte bërë një protestë javën e shkuar, mund të thërrasë një protestë javën e ardhshme, por nuk bën asnjë nga këto.

Përkundrazi, ai shqetësohet për shëndetin e Edi Ramës, shkon dhe e viziton, e takon Ramën për t’i dhënë solidaritetin e tij, mbështetjen e tij, për të bërë pazarin e radhës. (Lexo këtu)

Opozita është në shesh, qytetarët duan të protestojnë, Lulzim Basha qëndron në heshtje, takon Edi Ramën, merr qokën e radhës dhe vazhdon të sillet si një përçarës i opozitës, si një pengmarrës i saj, përfundimisht si një bashkëpunëtor dhe një ortak i Edi Ramës./ CNA





Lajmet e fundit nga