web counter
LEXO PA REKLAMA!

SHKARKO APP

App Store
Google Play

Dakordësia me PS-në për "Zgjedhoren"/ Berisha: Rekomandimet e OSBE/ODIHR duhet t'i kthejmë në ligj

27 Tetor 2025, 10:44, Politikë CNA

Dakordësia me PS-në për "Zgjedhoren"/ Berisha:

Kryetari i PD-së, Sali Berisha, tregoi arsyet e dakordësisë së PD-së për ngritjen e Komisionit të Posaçëm për Reformën Zgjedhore.

Berisha tha se dakordësia e tyre erdhi pas rekomandimeve të OSBE/ODIHR në raportin e fundit. Sipas tij, këto rekomandime duhet të kthehen në ligj që qytetarët të votojnë të lirë.

"Ne sot votuam ngritjen e këtyre dy komisioneve për dy arsye themelore. Së pari, janë një seri e pafundme e rekomandimeve të OSBE/ODIHR, të cilat ne i kemi pranuar dhe besojmë se janë të rëndësishme. OSBE/ODIHR ka bërë një punë të jashtëzakonshme dhe në raportin e fundit damkosi në mënyrë përfundimtare si një farsë e shëmtuar zgjedhore, zgjedhjet e 11 majit. Në këtë kontekst, ne ndihemi të detyruar ndaj tyre që orientimet e drejta dhe rekomandimet e drejta, t’i kthejmë në ligj, ndonëse deklarojmë se në mënyrë absolute me Edi Ramën, shqiptarët nuk do të votojnë kurrë si qytetarë të lirë. Kjo është e vërteta.

Së dyti, reforma territoriale ishte një antireformë, në të cilën u vendosën standardet e pabarazisë maksimale. Mjafton të rikujtoj këtu se qarku i Gjirokastrës me 120 mijë banorë, ka 7 njësi, qarku i Tiranës me mbi 1 milion banorë ka 4 njësi. Sigurisht që ne do të bëjmë gjithçka që këto padrejtësi maksimale të largohen, të anulohen dhe kjo me ndihmën e Kongresit të Autoriteteve Lokale dhe Rajonale të Këshillit të Europës. Pra, kjo është arsyeja se pse ne i votuam këto dy komisione, ndonëse me bindjen më të thellë se me Edi Ramën nuk ka zgjedhje, me Edi Ramën nuk ka votë të lirë. Është vetëm vendimi i qytetarëve ai që do t'u rikthejë shqiptarëve votën. Është përpjekja e opozitës ajo që do t'u rikthejë shqiptarëve votën", tha Berisha.  /CNA





Lajmet e fundit nga