web counter
LEXO PA REKLAMA!

SHKARKO APP

App Store
Google Play

Berisha sulmon mediat/ “I thurin lavde narkodiktatorit, censurojnë rrënimin e Shqipërisë”

5 Nëntor 2024, 19:27, Politikë CNA
Berisha sulmon mediat/ “I thurin lavde narkodiktatorit, censurojnë
Kryetari i Partisë Demokratike, Sali Berisha

Kryetari i Partisë Demokratike, Sali Berisha, sulmoi sërish mediat gjatë protestës së përnatshme të mbështetësve të tij.

Berisha tha se 90% e mediave në Shqipëri i thurin lavde kryeministrit Edi Rama dhe janë shndërruar në altropolante të diktaturës.

Ai ngriti akuzat se mediat po censurojnë rrënimin, braktisjen e Shqipërisë dhe gjendjen dramatike në spitale.

“Shqipëria nën diktaturën e drogës, krimit dhe vjedhjes së qytetarëve shqiptarë është Shqipëria e censurës monstruoze, e vellos së zezë të censurës monstruoze, që mediat e kontrolluara nga Edi Rama kanë vendosur mbi shqiptarët.

Sot këto media janë shndërruar në altropolante të diktaturës, në 90% të të gjitha lajmeve, në 90% të të gjitha programeve, i thurin lavde narkodiktatorit, i thurin lavde diktaturës, censurojnë në amoralitet të plotë vjedhjen e tmerrshme që ju shqiptarëve, qeveritarët e sotëm.

Censurojnë gjendjen dramatike të shqiptarëve në spitale. Censurojnë rrënimin katastrofal të cilësisë së mësimit.

Ndërkohë që japin orë të tëra dhe ritransmetojnë  e takimet Edi Ramës me administratën e tij jashtë shtetit, dhe disa emigrantë. Ata censurojnë boshatisjen e Shqipërisë. Censurojnë dëbimin e shqiptarëve nga varfëria, mjerimi, pasiguria dhe mungesa e drejtësisë.

Mediat e kontrolluara nga qeveria që 90% të emisioneve informative, programeve të tjera ia kushtojnë dizinformimit të shqiptarëve, në mbrojtje të qeverisë së krimit, tejkalojnë disa aspekte edhe mediat e diktaturave të tjera, përveç Koresë së Veriut”, theksoi ish-kryeministri./ CNA





Lajmet e fundit nga