web counter
LEXO PA REKLAMA!

SHKARKO APP

App Store
Google Play

Berisha irritohet me ministret/ Ngre tonet në Kuvend: Flasin si të ishin në kuzhinë me shoqen e tyre

5 Tetor 2023, 19:22, Politikë CNA

Berisha irritohet me ministret/ Ngre tonet në Kuvend: Flasin si të

Ish-kryeministri Sali Berisha reagoi me tone të ashpra ndaj ministreve të qeverisë Rama, teksa po diskutohej për bllokimin e fondeve të bujqësisë nga BE.

Berisha tha se ministret marrin fjalën sa herë që duan dhe recitojnë trillime e mashtrime pa përgjegjësi.

Ai deklaroi se Parlamenti po kthehet në një kuzhinë mediocre, ku ministret flasin me të njejtën gjuhë komunikimi si me shoqet e tyre.

“Po flas për të shprehur protestën më të fuqishme.

Për ndërhyrjen më të neveritshme, që shndërrojnë këtë parlament në një kuzhinë mediokre, po ka gjë më të paarsyeshme, rrinë e recitojnë aty trillime dhe mashtrime pa përgjegjësi.

Marrin fjalën sa herë ju teket, dhe të rrijë parlamenti me logjet e tyre, nuk bën kështu. Parlamenti është institucion serioz, që të bëjnë ç’të duan vetëm pse kanë hipur në atë post, se në vend të bëjnë ministren, bëjnë badigarden e Gadafit.

E them, nuk sillen në këtë mënyrë ministret. Kanë mëshirë ndaj dëgjuesve, kthejnë kokën njerëzit, nuk bëhet kjo në Parlament.

Sa herë i teket merr fjalën dhe vazhdon sikur është në kuzhinë me shoqen e vet, nuk shkon kjo.

Se me Ballkanin po bëjmë këtë e atë, por kujt ja thotë këto, çfarë do të thotë me këto”, theksoi ish-kryeministri./ CNA





Lajmet e fundit nga