web counter
LEXO PA REKLAMA!

SHKARKO APP

App Store
Google Play

Berisha: Buxheti 2025 është vjedhja më e madhe në histori

5 Nëntor 2024, 19:49, Politikë CNA
Berisha: Buxheti 2025 është vjedhja më e madhe në histori
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka komentuar projekt-buxhetin 2025 gjatë fjalës së tij në protestën e përnatshme, në rrugën “Mustafa Matohiti”.

Berisha tha se projekt-buxheti 2025 është buxheti i vjedhjes më të madhe në histori.

Ai ngriti akuzat se qeveria ka marrë 57 miliardë euro nga buxheti i shqiptarëve dhe këto para i përdori për të rritur rrogat e ministrave, rrogat e deputetëve, rrogat e prokurorëve dhe rrogat e drejtorëve.

“Këto ditë ka ardhur projektbuxheti në parlament, e kam deklaruar dhe e deklaroj, se ky është buxheti i vjedhjes më të madhe në histori. Cilido që të mos besojë këtë e ftoj t’i shtrojë vetes një pyetje; çfarë ka ndodhur me 57 miliardë euro të buxheteve nga viti 2014 e gjer sot. Qytetarëve shqiptarë u them se, nga këto 57 miliardë euro, vetëm 7.5 miliardë euro janë pagesat 10-vjeçare të rrogave të shqiptarëve. Çfarë ka ndodhur me 50 miliardë euro?

Të dashur miq!

Me 50 miliardë euro, me majë të lapsit, me vërtetësi absolute, garantoj çdo shqiptar se nëqoftëse do të ishte përcaktuar si parim, se buxheti është i qytetarëve dhe jo i qeveritarëve, sot në Republikën e Shqipërisë nuk mund të kishte kurrë pension ndën 300 euro. Sot në Republikën e Shqipërisë nuk do të mund të kishte kurrë, rrogë minimale ndën 500 euro. Sot në Shqipëri nuk do të kishte kurrë rrogë mesatare ndën 1200 euro. Por çfarë ndodhi, çfarë ndodhi o miq?

Me gjithë 57 miliardë euro, taksa të qytetarëve shqiptarë, biznesmenëve shqiptarë, taksa të tyre, pensionet nuk u rritën asnjë qindarkë. Ato u indeksuan në masën 27%, ndërkohë që vetëm për t’u indeksuar sipas rritjes së çmimeve duhet të rriteshin 52%. Pra miq çdo pensionist merr sot të paktën 30% më pak se në vitin 2013.

Por çfarë ndodhi me rrogat minimale? Dhe rrogat minimale, përveç as inflacionin nuk e përballojnë. Por pati diçka që u rrit shumë, dhe këto u rritën, rrogat e ministrave, rrogat e deputetëve, rrogat e mercenarëve të Skapit, rrogat e narkodrejtorëve”, deklaroi Berisha./ CNA





Lajmet e fundit nga