web counter
LEXO PA REKLAMA!

SHKARKO APP

App Store
Google Play

Berisha bën thirrje/ "Demokratët duhet të bashkohen"

4 Mars 2023, 12:23, Politikë CNA

Berisha bën thirrje/ "Demokratët duhet të bashkohen"

Kreu i Partisë Demokratike, Sali Berisha gjatë mbledhjes së kryesisë ka bërë thirrje për bashkim.

Berisha shprehet se tashmë është koha që çdo deputet të mbajë përgjegjësi dhe të ngrihen si dhe të distancohen nga Alibasha dhe të bashkohen.

Kreu i PD shprehet se janë përpjekur të rrëzojnë opozitën por kanë dështuar.

"Unë jam këtu për t’u bërë thirrje të gjithë demokratëve, edhe ndonjërit që ka qëndruar indiferent, të distancohet nga ky peng i shpifur, nga këta pengje të shpifur, që kanë shënuar rekordet më të ulëta të politikanit: Brava-Alibasha.

Sot është koha që demokratët të bashkohen, të gjithë ata që kanë karakter, që nuk duhet të ndjehen të keqpërdorur nga Brava-Alibasha, vegla të shpifura të Edi Ramës.

Është koha që çdo deputet të mbajë qëndrimet e tij në përputhje me interesat e qytetarëve që e kanë votuar. Të ngrihen mbi çdo interes tjetër.

Ju garantoj se ne jemi sot më të fortë se kurrë dhe nesër do jemi më të fortë se sot.

Koha faktoi se ne nxorëm në pah fytyrën e shëmtuar të mafies, rast unik në histori. Ka ndodhur që janë bërë përpjekje për të rrëzuar një qeveri, por nuk kam dëgjuar që janë bërë përpjekje për të shkatërruar një opozitë demokratike properëndimore. Dhe të kenë dështuar më radhë të gjitha përpjekjet. Përse dështuan? Sepse forca e kësaj partie janë idealet. Demokratët duhet të ndjehen krenarë, luanë. Kjo tregon se çfarë kanë arritur ata në këtë proces.
Asgjë nuk mund të mposhtë shumicën e kësaj force. Kjo shumicë, çdo ditë e më e madhe do bëhet."/CNA.al





Lajmet e fundit nga