web counter
LEXO PA REKLAMA!

SHKARKO APP

App Store
Google Play

11 maji/ Muçollari: Synimi është fitorja e 71 mandateve në mënyrë që t’i përgjigjemi programit tonë

9 Maj 2025, 14:56, Politikë CNA

11 maji/ Muçollari: Synimi është fitorja e 71 mandateve në

Kandidati për deputet i Partisë Demokratike, Grigels Muçollari, në një dalje televizive, ka folur për fushatën zgjedhore dhe pritshmëritë e 11 majit. Muçollari tha se një nga synimet e tij pasi të marrë mandatin do të jetë ndërtimi i shkollës në zonën e Astirit dhe Yzberishtit.

Më tej, Muçollari u shpreh se synimi i PD-së për 11 majin është fitorja e 71 mandateve, për t’iu përgjigjur programit dhe angazhimit me qytetarët.

“Kam kuptuar shumë për problemet që mbase dhe unë nuk e dija që ishin kaq reale dhe kaq të prekshme. Do të jenë një nga synimet e mia pasi të fitoj mandatin, sidomos shkolla e mesme në zonën e Astirit dhe Yzberishtit.

Synimi është fitorja e 71 mandateve në mënyrë që t’i përgjigjemi programit dhe angazhimit tonë me  qytetarët. Mund të ridimensionojmë mënyrën e jetesës në Shqipëri. Problemi kryesor që shoh është ndjenja e pasigurisë.

Do të krijojmë atë Shqipërinë Madhështore, e cila përkthehet në Shqipërinë e qytetarit të thjeshtë, të të gjitha shtresave, që kanë vendosur dhe mund të jetojnë në Shqipëri. Si mund të premtosh pasaportë europiane kur po i njëjti institucion të ka bllokuar fondet e Ipard për shkak të korrupsionit. Kur të hysh në atë familje t’i shërbesh familjes dhe ajo të të shërbejë ty”, tha Muçollari./ CNA





Lajmet e fundit nga