web counter
LEXO PA REKLAMA!

SHKARKO APP

App Store
Google Play

11 Maji/ Berisha bën apel: Votoni sa më shumë, votoni për të ardhmen tuaj

11 Maj 2025, 13:23, Politikë CNA

11 Maji/ Berisha bën apel: Votoni sa më shumë, votoni për
Kreu i Partisë Demokratike, Sali Berisha ka zhvilluar një konferencë të shkurtër për shtyp të përqendruar te procesi i votimit për zgjedhjet parlamentare. Në fjalën e tij, Berisha bër një apel për të gjithë qytetarët shqiptarë.


Berisha u shpreh se vota për 11 majin është vota për të ardhmen.

“Falënderoj ata qytetarë që gjer tani kanë hedhur votën e tyre, kanë votuar duke kryer kështu një detyrim madhor të çdo shqiptari mbi moshën 18-vjeçare.
Detyrim madhor ndaj vetes, familjes, shoqërisë, Shqipërisë dhe kombit.
Një falënderim i veçantë dhe mirënjohje e pakufishme për ata mijëra e mijëra shqiptare dhe shqiptarë që nuk u regjistruan dot për shkak të burokracirave dhe frikës së qeverisë ndaj votës së tyre, por kanë vërshuar nga ajri, nga toka dhe nga deti dhe janë dyndur sot dhe po votojnë në Shqipëri.
Mirënjohja ime është e pakufishme ndaj tyre.
Ata me votën e tyre i gjenden vendit dhe kombit në një moment, në të cilin kanë nevojë shumë të madhe.
Së fundmi, edhe njëherë thirrja ime është për çdo shqiptar: voto, voto, voto për veten tënde, për fëmijët e tu, për vendin tënd, për të ardhmen tënde, të fëmijëve të tu, për biznesin, për rrogat, për pensionet, për fermën.
Pra, është një votim më shumë se kurrë për interesat më të rëndësishme të çdo qytetari”,-tha Berisha./CNA





Lajmet e fundit nga