web counter
LEXO PA REKLAMA!

SHKARKO APP

App Store
Google Play

E fundit!

x

“Të votohet lirisht dhe pa presion”/ Voton Presidenti i Republikës, Bajram Begaj

11 Maj 2025, 10:17, Politikë CNA

“Të votohet lirisht dhe pa presion”/ Voton Presidenti i

Presidenti i Republikës, Bajram Begaj votoi këtë paradite në shkollën 9-vjeçare “ Kongresi i Lushnjës”, që ndodhet në rrugën “ Qemal Stafa” në kryeqytet.

Presidenti ishte i shoqëruar nga bashkëshortja, Armanda Begaj.

Pas këtij procesi, në një komunikim të shkurtër për mediat, Begaj dha edhe mesazhin e tij për zgjedhjet e 11 majit.  

Presidenti tha se dita e sotme duhet të jetë një ditë zgjedhjesh kur votohet lirisht dhe pa presione.

“Kjo ditë e sotmja duhet të jetë një ditë e gëzuar, një ditë feste ku qytetarët duhet të shprehin lirisht vullnetin e tyre, pa presion dhe me përgjegjshmëri që Zëri i tyre të dëgjohet”,-tha Presidenti.

Sa i përket, gjuhës së përdorur nga politikanët gjatë fushatë zgjedhore, presidenti tha se  një gjuhë e tillë është e papranueshme për politikanët dh qytetarët e thjeshtë.

“M’u duk një proces i qetë. Proceset zgjedhore janë të rëndësishme për qytetarët për vendin për demokracinë. Kjo ditë e sotmja ka rëndësi të veçantë për faktin që kemi hapur negociatat për anëtarësim në BE. Për herë të parë voton diaspora dhe zgjedhjet duhet të plotësojnë standardet më të mira. Kjo ditë e sotmja duhet të jetë një ditë e gëzuar, një ditë feste ku qytetarët duhet të shprehin lirisht vullnetin e tyre, pa presion dhe me përgjegjshmëri që Zëri i tyre të dëgjohet. Po kështu duhet të jetë edhe procesi i administrimit dhe numërimit. Uroj më të mirën. Në fushatë zgjedhore duhet të ketë ballafaqim idesh dhe programesh dhe në asnjë rast gjuhë bullizuese, një gjuhë e tillë është e papranueshme për politikanët dh qytetarët e thjeshtë”, -tha Begaj./CNA

 





Lajmet e fundit nga