web counter
LEXO PA REKLAMA!

SHKARKO APP

App Store
Google Play

E fundit!

x

11 Maji/ Misioni i OSBE/ODIHR monitoron zgjedhjet, 240 vëzhgues në terren

11 Maj 2025, 12:08, Politikë CNA

11 Maji/ Misioni i OSBE/ODIHR monitoron zgjedhjet, 240 vëzhgues në

Kreu i misionit të OSBE/ODIHR, Lamberto Zannier u shpreh se po monitoron nga afër të gjithë procesin zgjedhor. Në një deklaratë për median, Zannier tha se janë gjithsej 240 vëzhgues në terren dhe 135 të tjerë që janë nga vendet anëtare të OSBE, nga Parlamenti Evropian.

Ambasadori theksoi se në një konferencë ditën e nesërme, do të japin më shumë detaje në lidhje me ecurinë e procesit zgjedhor.

Zannier tha se është zotim i Shqipërisë që 10% e votimit të jetë elektronik.

Ambasadori shtoi se pjesë e vlerësimit të misionit do të jenë edhe procedurat e votimit elektronik.

"Jemi këtu për të vëzhguar procesin zgedhor. Kjo është një nga qendrat e votimit ku ne jemi sot. OSBE ka 240 vëzhgues por gjithashtu janë dhe 135 të tjerë që janë nga vendet anëtare të OSBE, nga parlamenti evropian. Dita e zgjedhjeve është dita e dukshme e vëzhgimit por ne jemi këtu që nga fundi i marsit. Ne kemi vëzhguar edhe fushatën zgjedhore dhe sot është pika e fundit. Nesër do të kemi një konferencë për shtyp në orën 15:00. Nuk do të ishte domethënëse nëse do t’iu jepja një mendim sot. Unë jam duke mbledhur informacion dhe kam ardhur në këtë qendër votimi sepse është zotim i Shqipërisë që 10% e votimit të jetë elektronik. Një pjesë e vlerësimit tonë do të jenë dhe procedurat e votimit elektronik",-tha Zannier./CNA





Lajmet e fundit nga