E fundit!

08:01 Kosova & Bota

Ari bie pavarësisht inflacionit të lartë në SHBA, ekspertët shpjegojnë arsyet

Ari po shkon drejt muajit të katërt radhazi në rënie, pava...

Në vend të një opinioni për të sotmen... e Foltores dhe Rilindjes!

28 Janar 2024, 22:01, Opinione Muharrem Meko

Në vend të një opinioni për të sotmen... e Foltores dhe

Edi Rama dhe Sali Berisha

Edhe dje, pothuajse si një muaj rresht, "non-grata " vazhdon ritualin... me të njëjtën melodi e akuza pafund; pa asnjë argument... shaj të shajmë!

E dëgjojnë e hera herës edhe ata avazin; - O Sali, O hero...

Janë një grusht idealistësh që për forcë të zakonit në mes këtij të ftohti shkojnë, për të mos e lënë vetëm!

Unë po avazit... në timen domethënë: - boll i lodhe njerëzit, Bac!

Më është kthyer si një lloj zakoni tashmë; kur s’më zë gjumi i hedh hera herës ndonjë sy celularit që e mbaj ngjitur mbi komodinë...!

... mirëpo mbrëmë, si kurrë ndonjëherë shikoj se në msn tim, kishte mbërritur një e sharë "vënçe"... nga një "protestues" i Foltores; - po nga kush, se do të thoshit ju!

Më rezultonte se autori i përkiste atij ta kemi që unë edhe pse i shikoj hera herës poshtë ballkonit, sërish "i justifikoj"... madje, madje, personin në fjalë edhe e admiroj për formatin e tij intelektual!

Qesha me vete... e ashtu në errësire, nën zë po thosha; - paska nge ky të më lexojë mua..?!

Për të qenë i sinqertë i dhashë të drejtë; - e kisha shkelur unë... sidomos me atë flamë ironie të përdorur pa kriter!

Ashtu nën dritën e vetë celularit bëra ca korigjime të vogla, formulova e i dërgova edhe një biçim përgjigje!

... por më rezultoi se "foltoristi " që s’qe kënaqur... përderisa aty nga ora 9 e mëngjesit, pashë të më shfaqej emri i tij mbi celular!

Për të mos shqetësuar bashkëshorten time, kalova nga dhoma tjetër e pa e lënë të niste ai, fillova unë i pari;

- Ndjesë - i them, por ty sikur s’të shkojnë të tilla banalitete!

- Pse ty të shkojnë, mu përgjigj aty për aty Profesori...

- Ndjesë, po të them... sërish unë!

Në fakt e kam konsideruar neveri e gjithnjë i jam shmangur britmave histerike a debateve pa asnjë vlerë, veçanërisht në kontakte me intelektualë e individualitete të spikatura; përkundrazi lëshoj "pe" në mënyrë të vetëdijshme i bindur se me këtë kategori e gjen shpejt gjuhën...

- Pse kaq i ashpër me ne? - më thotë midis të tjerash ai, ndërkohë që sikur e dija, se kjo do të ishte një nga pyetjet e tij, për mua...

I përgjigjem shumë sinqerisht...

- Jam, sepse jo vetëm unë, por të gjithë shqiptarët e duan PD-në, një të tërën e jo copa copa... ndërsa ai idhulli juaj sot kërkon të shpëtojë lëkurën në emër të saj e jo se i dhimbset!

... dhe vazhdova;- ju mor i dashur Profesor, s’doni ta kuptoni se SPAK, s'merr asnjë urdhër e as që do t'ja dijë më për të, por e konsideron si autorin e vërtetë të gjendjes katastrofike të PD-së dhe asaj, zi e me zi në vendit tonë... !

Aty për aty vendosa ta heq statusin; për hir të së vërtetës, kishte teprime... si diçka pa etikë!

E në daçin të më besojne e në daçin, jo... por unë e dua PD-në, një të tërën; sepse kjo është në dobi të Shqipërisë!

Arsyeja për të cilën edhe kam reaguar e do të reagoj pa rreshtur, për sa kohë që shkaktari i gjithë të këqijave, që nga ballkoni i pallatit, luan rolin e shenjtorit..., edhe pse e ka copëtuar si mos më keq krijesën e tij të dikurshme

... krijesën e tij, apo pronën e tij;... hajde gjeje e mbushu mendjen atyre poshtë ballkonit... një grushti idealistësh të djathtë, që çuditërisht vazhdojnë të shikojnë tek ai, çlirimtarin e jo shkaktarin e dhimbjes së tyre!

Sot për sot kam reaguar disi "me butë" ndaj Rilindjes, por... "…prisni djema, prisni, se s'kini parë gjë akoma,..."!

- Dhe e dini se përse? - Sepse "roza" ka qenë e mbetet dhimbja ime...!

- si mijëra të tjerë edhe unë, kam investuar për të qysh në fillet e saj, pa asnjë rezervë... pikërisht atje, tek ajo godina e pushtuar, aktualisht nga njerëz që s’kanë asnjë ndjeshmëri ndaj saj!

Sepse e ndjeja rrezikun e së keqes që po i turrej, pa edhe kam reaguar që në ditët e para të formatimit të qeverisë Rama; në rrethe të ngushta apo edhe në shtypin e atëhershëm... dëshmi janë një sërë shkrimesh në "SOT", "TEMA ", "TELEGRAF", në rrjetet sociale, etj.

...edhe pse isha medemek "pjesë" e administratës!

Fatkeqësisht s'paskam gabuar dhe e rikonfirmoj me plot të drejtë se; - atë ç'ju ka bërë e po u bën rilindja "burimeve njerëzore" në Shqipëri, madje PS-së në radhë të parë, s’ua ka bërë as Perëndia!

Një tmerr i vërtetë; merr nga rruga e grado deputet... merr nga rruga e grado drejtor... merr nga rruga e grado ministër/ e... etj., etj.!

- Fundi?

- më shumë sesa një fatalitet!

Duzinë drejtorësh, ministrash, kryetarë bashkish, funksionarë të rëndësishëm të administratës shtetërore që tashmë i mbajnë veshët ngrehur, nga frika e SPAK-ut!

Kush ka qenë sportist apo edhe tifozët e rëndonte e dinë mirë se, kur në një "ekip" punët marrin rokopujen, s’ka më; përgjegjësia është personale... por ikën trajneri!

Shënim; - ah ç’na ka bërë ajo mbyllja e ZP, mua... e RD, ty o Elvi Fundo...!

I mbyllën, sepse nuk donin të ballafaqoheshin me zërin e socialistëve dhe demokratëve të vërtetë!