E fundit!

08:28 Kronika

"Mos kalo nga kjo rrugë"/ Si nisi konflikti mes dy vëllezërve në Kavajë që përfundoi në vrasje

Një person është vrarë mbrëmjen e djeshme nga vëllai i tij...

VIP-at që mbështesin Veliajn humbin ndjekësat/ Fansat braktisin Noizyn, Çiljetën dhe Ermalin në “Instagram"

3 Maj 2023, 17:24, Lifestyle CNA

VIP-at që mbështesin Veliajn humbin ndjekësat/ Fansat braktisin

Fotomontazh - Ermal Mamaqi, Çiljeta Xhilaga, Erion Veliaj dhe Rigels Rajku

Disa personazhe të njohur të botës së medias, kanë dalë hapur në mbështetje të kryebashkiakut dhe kandidatit të PS-së për Tiranën, Erion Veliajn.

Ndër personazhet që shprehën publikisht bindjet e tyre politike dhe kërkuan votat e fansave të tyre për Veliajn ishin Rigels Rajku, i njohur si Noizy, Çiljeta Xhilaga, Ermal Mamaqi e shumë të tjerë.

Por, ajo që është vënë re dukshëm është se këta personazhe publike kanë humbur mbështetjen e qytetarëve pas videomesazheve.

Noizy, Çiljeta dhe Ermali kanë pësuar një ulje të numrit të ndjekësve në “Instagram”. Ai që ka humbur më shumë ndjekës është reperi. Ditën e djeshme, Noizy-t i kanë ikur rreth 51 mijë e 100 ndjekës, ndërsa sot rreth 18 mijë të tjerë.

Tabela e ndjekësve të Noizyt gjatë javës së fundit

Kjo braktisje vjen edhe pas lajmit të publikuar nga CNA se reperi kishte marrë një pagesë prej 50 milionë lekësh nga Bashkia e Tiranës në tetor të vitit 2022, për koncertin privat "Alpha Show".

Dokumenti/ Del në krah të Veliajt, Noizy merr 50 milionë lekë nga Bashkia e Tiranës
2 Maj, 14:24

Nga ana tjetër, aktori dhe regjisori Ermal Mamaqi ka humbur qindra ndjekës gjatë gjithë javës, ndërsa vetëm dje i kanë ikur 238 fansa.

Tabela e ndjekësve të Ermal Mamaqit gjatë javës së fundit

Këngëtarja Çiljeta Xhilaga po ashtu ka shënuar rënie të mbështetësve në “Instagram”, ku i kanë ikur rreth 250 të tillë.

Tabela e ndjekësve të Çiljeta Xhilagës gjatë javës së fundit

Ndonëse këto personazhe kanë dashur të mbështesin Erion Veliajn në kandidaturën për një mandat të tretë, gjatë kësaj përpjekjeje kanë humbur fansat e tyre. Ndjekësit duket se janë zhgënjyer nga personazhet e tyre të pëlqyer të botës së medias rozë nga propaganda politike./ CNA.al