web counter
LEXO PA REKLAMA!

SHKARKO APP

App Store
Google Play

E fundit!

x

Thomas Strakosha përtej futbollit: Prindërit përkujdesen për gjithçka, me babin nuk diskutojmë për ndeshjet

12 Janar 2026, 12:09, Lifestyle CNA

Thomas Strakosha përtej futbollit: Prindërit përkujdesen për

Portieri Thomas Strakosha foli gjerësisht për jetën dhe futbollin në emisionin "Build Up" që transmetohet në Greqi.

Veç sportit, Strakosha përmendi edhe disa gjëra interesante, që nga jeta familjare e deri te kritikat e të atit, ish-portierit të njohur Foto Strakosha.

Thomasi tregoi se kur vjen në Shqipëri, prindërit i shfaqin kujdes të veçantë, madje edhe duke i gatuar.

Më tej, u ndal edhe te raporti me të atin, teksa theksoi se u shmangen diskutimeve për ndeshjet, duke ditur shumë mirë kritikat që do të marrë nga Foto Starkosha, nga gjithë përvoja e tij e vyer në sport.

“Kur u ktheva në Shqipëri, mamaja ime ishte shumë e lumtur, ashtu edhe babai dhe vëllai im. Ata u përkujdesën për gjithçka, madje edhe duke sjellë ushqim apo gatuar për mua. Tani ndoshta ka më shumë shqetësim sepse jam jashtë vendit dhe nuk mund të jenë pranë për të kontrolluar gjithçka, por mbështetja e tyre është gjithmonë e madhe. Po, babai im që kur isha shumë i vogël, gjithmonë e shprehte kritikën shumë rrallë dhe padyshim që është përgjegjësi e tij, kështu u rrit, por pas një moshe, rreth 22-23, kur bëja diçka të mirë ose të keqe, e ndieja gjatë ndeshjes, kështu që nuk kisha nevojë ta dëgjoja pas ndeshjes, sepse isha pak i lodhur. Ishte disa herë që u përplasëm me babanë, një, dy, tri herë, i thashë, le ta lëmë pas ndeshjes, të mos diskutojmë për ndeshjen sepse as unë nuk dua të të acaroj, as ti. Le ta diskutojmë një tjetër ditë, me një kafe, qetë. Sepse gjithmonë e di që gjykimi i tij në këtë aspekt është shumë i mirë, dhe fatkeqësisht më dhemb. Shumë herë e di çfarë mund të bëj më mirë. Bëj gabime dhe nuk kam nevojë ta dëgjoj nga ai, sepse e di që do të më kritikojë”,-tha Strakosha./CNA

 

 





Lajmet e fundit nga