web counter
LEXO PA REKLAMA!

SHKARKO APP

App Store
Google Play

E fundit!

x

Rritet me 25% gjatësia e penisit në mbarë botën/ Shkencëtarët nuk japin dot shpjegim

16 Prill 2023, 16:05, Lifestyle CNA
Rritet me 25% gjatësia e penisit në mbarë botën/
Foto ilustruese

Në 30 vitet e fundit, gjatësia mesatare e penisit në mbarë botën është rritur me 25%.

Në këtë përfundim kanë dalë studiuesit e “Stanford”-it, të cilët kanë kryer një metaanalizë të disa studimeve të disa dekadave.

Konkretisht gjatësia e penisit në ereksion është rritur 24%, nga 4.8 inç në rreth gjashtë, por është vërejtur se nivelet e testosteronit dhe cilësia e spermës kanë rënë.

Megjithatë, shkencëtarët thonë se rritja e madhësisë së penisit mund të mos jetë një gjë e mirë, pasi ata ende nuk e kanë gjetur shkakun.

“Kjo mungesë e shkakut të qartë është një gjë për t'u alarmuar. Pyetja miliona dollarëshe është pse po ndodh kjo”, tha urologu i “Stanford Medicine”, Dr. Michael Eisenberg në “USA Today”.

Ndërkohë, në studim thuhet se “Rritja ndodhi në një periudhë relativisht të shkurtër kohore. Çdo ndryshim i përgjithshëm është shqetësues".

Ky rezultat ka ardhur në një kohë kur parashikimet e shkencëtarëve ishin të kundërta me atë që ka ndodhur.

Në një deklaratë për shtyp, ekipi i studimit në “Stanford”, deklaroi se prisnin që gjatësia e penisit të ulej dhe jo të rritej.

"Duke pasur parasysh tendencat që kishim parë në masat e tjera të shëndetit riprodhues të meshkujve, ne menduam se mund të kishte një rënie në gjatësinë e penisit për shkak të të njëjtave ekspozime mjedisore", theksuan ata.

Për të arritur në këtë përfundim, studiuesit analizuan 75 studime nga viti 1942 deri në vitin 2022. Studimet përfshijnë të dhëna për gati 56,000 burra. Metaanaliza është botuar në Revistën Botërore të Shëndetit të Burrave./ CNA.al





Lajmet e fundit nga