E fundit!

13:08 Aktualitet

Ndërprerja e energjisë në Maternitetin e Durrësit/ Spitali Rajonal sqarim publik

Spitali Rajonal Durrës ka reaguar pas situatës së krijuar ...

Protestë virtuale për Kiara Titon!

8 Mars 2023, 16:02, Lifestyle CNA

“Big Brother Albania VIP 2”, vijon të mbajë të mbërthyer audiencën dhe mbrëmë në Prime, banorja më e komentuar dhe e gjykuar (Cyberbullying), moderatorja Kiara Tito u përball me një surprizë të hidhur. Si fituese e postit të liderit të shtëpisë, "Vëllai i Madh" i tregoi disa nga titujt më të këqinj kundër saj. U quajt avantazh në lojë sipas Arbana Osmanit, por në rrjet po gjykohet si dhunë psikologjike në Ditën Ndërkombëtare të Gruas. Një goditje ndaj çiftit, ose saktë dhe shkurt, përfitim për audiencë.

8 Marsi festohet sot në të gjithë botën, për të nderuar dhe respektuar figurën e gruas.

Ky format ka dy realitete. Brenda shtëpisë dhe jashtë, që loja është më e madhe, pasi është një popull që flet dhe diskuton dhe sheh çdo gjë me lupë, ndryshe nga banorët brenda në shtëpi. Shporta me tituj aspak pro Kiarës, por që shkaktojnë një mpirje dhe çiorientim në lojën e saj, një dhunë psikologjike siç po quhet në rrjet, edhe pse ndaj saj ka një (Cyberbullying-Ngacmim kibernetik), tregon lojën e "Vëllait të Madh" përballë çiftit Luiz-Kiara. Bota nuk është e zezë, por ka ngjyra. Jeta në "Big" nuk ka vetëm tensione, por dhe gëzim. Por Kiarës iu dha vetëm një anë, dhe pse në këtë pikë të lojës?

Pjesë e klipit ishte edhe reagimi i Efit në lidhje me “dhunën” që u konsiderua situata e saj me Luizin te lavamani. E gjitha kjo përnjëherësh ishte si një tronditje për Kiarën, e cila doli shumë e prekur nga dhoma e rrëfimit. Në lidhje me këtë avantazh, pra informacionin që iu dha nga jashtë, ka reaguar edhe shoqja e Kiarës, moderatorja e njohur Klea Huta. Kjo e fundit me anë të një postimi në "Instastory", ka shprehur revoltën e saj për klipin, duke e cilësuar një përmbledhje të shëmtuar.

Përpos kësaj, Klea ka ndarë në "Instagram" edhe kuptimin e fjalës avantazh në fjalor. Duke dashur të tregojë që kjo fjalë do të thotë një përfitim, një epërsi dhe jo një goditje që sipas saj iu bë Kiara Titos.

Pse Kiara u dhunua psikologjikisht?

1-Në klip ishin reagimet e ish-banorëve si Efi, Ermiona dhe Kejvina. Pra një “luftë” mes femrash në Ditën e Gruas, një ballafaqim që ish-banoret që kanë mundësi ta diskutojnë qëndrimin e tyre. Pra, zëri i gruas nuk përçohet.

2-Në klip mungonin këngët që janë krijuar për çiftin, që nuk ka ndodhur kurrë më parë në asnjë edicion të "Big"-ut.

3-Në klipin që Kiarës i thanë që është avantazh, ishin copëza nga fjalët e “miqve” të Kiarës, por që janë anonimë dhe u përkufizua se lidhja e çiftit nuk ka bekimin e miqve të Kiarës që nuk është e saktë.

4-Kiarës i numëruan të dashurit, dhe Arbana i kërkoi Luizit t’i rrijë afër: Ajo vajzë ka nevojë për ty. A nuk është një lojë kjo? Kur shumë banorë janë skualifikuar dhe gjykuar, një ndër to edhe Olta, dhe ishte pikërisht Arbana që dikur i ka thënë: Çdo banor ka një jetë dhe kanë informacione. Pra, produksioni rrëzoi veten dhe i tha Kiarës, pse ke bërë këtë jetë dhe pse ka përfshirë persona që nuk janë pjesë e lojës së "Big"-ut.

5-Produksioni vë pothuajse këngë të Butrinit, ish-i dashuri i Kiarës kur ka miliona këngë që mund të vendosen. A nuk është kjo një trysni ndaj saj?

6-Këngëtarja Tuna në këngën “Nëse vdes e re”, thotë që “se edhe pa plumba, pa thika po u vrajkan njerëzia”, pra “kur je thy, mos me i lanë me t’kesh, me t’rrxu”. Produksioni e futi në një gropë të thellë, e vuri përballë një zgjedhjeje se si duhet të vijojë loja me avantazhin që i dhanë. Po si mund të shërbejë ky avantazh, të dalë nga "Big"-u apo të ndahet nga Luizi?

Opinionistja Zhaklin Lajkatari fjalën e parë e ka: Unë si feministe! Por ajo nuk i bëri gjyq Oltës kur Efin dhe Kiarën i quajti si vajza të përdala, duke thënë se do t'u nxjerrë informatat nga jashtë kundër atyre dyjave. Kohë më parë, ishte vetë po Zhaklina që me sqarimin magjepsës “Më falni se u shpreha gabim, nuk doja të shprehesha në atë mënyrë, thashë që burri i Oltës më ka shantazhuar, por doja të thoja që ka dashur të më kontaktojë”, u tall me publikun, kur ishte ajo që në fillim tha se është shantazhuar nga bashkëshorti i Olta Gixharit.

"Big Brother" është një lojë e fortë, një eksperiment social që siç e quan edhe Sonila Meço banorët janë kavie, por që loja është pa rregulla fisnike. Olta vijon të votohet masivisht që të dalë, por "Vëllai i Madh" e shpall te të preferuarit, i fal gabimet e përditshme dhe asaj nuk i është bërë asnjë GJYQ mbi lojën dhe shumë intrigat që ka bërë brenda shtëpisë.

Kiara Tito u dhunua nga ana psikologjike, në ditën e Gruas, që duhen dhënë mesazhe të FORTA, kundër DHUNËS dhe kjo t'i ofrohet një panoramë që atë e kryqëzon si banore. Ajo e dashuron Luizin, dhe “urrejtja” nga fansat e Luizit nuk duheshin përcjellë nga media më e madhe në vend, media edukon, nuk vret dhe lëndon. Media EDUKON, nuk shkatërron. Media EDUKON, nuk duhet të dhunojë.