LEXO PA REKLAMA!

SHKARKO APP

Prej vitesh, imazh i "Guess"/ Orjola Marashi publikon fotot nga Venecia: O Zoti im, kur shoh veten në këto billborde të mëdha…

16 Gusht 2022, 12:44, Lifestyle CNA

Prej vitesh, imazh i "Guess"/ Orjola Marashi publikon fotot nga

Oriola Marashi po njeh sukses ndërkombëtar në fushën e modelingut.

Një nga firmat më prestigjioze në botë, "Guess", ka përzgjedhur Orjolën si një nga vajzat që përfaqëson imazhin e saj nëpër botë.

Modelja seksi së fundmi ka publikuar disa imazhe nga Venecia, në të cilat ka marrë vëmendje me paraqitjet atraktive, teksa tregon në prapaskenë billboardet ku ndodhet si ikonë e markës së lartpërmendur.

“12 orë në Venecia. O Zoti im, nuk mund ta përshkruaj ndjenjën që kam kur shoh veten në këto billborde të mëdha. Gjithçka që më duhet të them është se puna e vështirë shpërblehet, por duhet të jesh shumë me fat për të kapur momentin”, u shpreh Marashi.

 

Kujtojmë se Oriola Marashi është përfshirë në familjen e markës së famshme “Guess” prej pak vitesh. Ajo ka marrë pjesë në sfilatat më të rëndësishme të “Guess” dhe ka zbuluar si arriti të nënshkruante një kontratë me të.

 

"Si u bëre pjesë e familjes së ‘Guess’?”, e ka pyetur gjatë një interviste virtuale.

“Shumë pyetje të tilla. Paul Marciano drejtuesi i ‘Guess’ më zbuloi mua në 18 mars 2019! Dhe atë ditë ishte ditëlindja ime. Unë kisha rezervuar të shkoja në Lugano 1 muaj më vonë dhe që atëherë kam punuar thuajse çdo muaj! Kur shkova te 'Guess', nuk isha mirë emocionalisht dhe psikologjikisht e ata sërish më mbështetën dhe më ndihmuan të ecja përpara dhe të jem këtu ku jam tani duke bërë atë që dua për veten, për familjen time, për njerëzit që dua dhe më mbështesin!”, ka treguar Oriola./CNA.al

 

 

Lajmet e fundit nga