web counter
LEXO PA REKLAMA!

SHKARKO APP

App Store
Google Play

E fundit!

x

Polemikat e Festivalit të Këngës për ndarjen e çmimeve/ Elsa Lila i tregon të gjitha me veprimin e fundit

28 Dhjetor 2022, 09:15, Lifestyle CNA
Polemikat e Festivalit të Këngës për ndarjen e
Elsa Lila, këngëtare

Edicioni i 61-të i Festivalit të Këngës nuk kaloi pa polemika, ku si gjithnjë ndarja e çmimeve shkakton shumë reagime dhe pakënaqësi.

Fituesja që do të përfaqësojë Shqipërinë në Eurovizion është këngëtarja Albina Kelmendi, ndaj së cilës janë hedhur shumë akuza.

Çmimin e parë nga juria e rrëmbeu këngëtarja Elsa Lila, për të cilën u tha se kishte mbetur e pakënaqur nga vlerësimi dhe se trofeun e çmimit e kishte lënë korridoreve të Pallatit të Koncerteve ku dhe u zhvillua festivali.

Por së fundi Elsa Lila ka sqaruar gjithçka duke e treguar përmes fotove se ajo jo vetëm që e ka marrë trofeun, por e ka dorëzuar në duart e vajzës së saj Evita, së cilës i dedikohej dhe kënga pjesëmarrëse në Festival.

Krahas fotove Elsa ka lënë edhe postimin e publikuar nga "RTSH", ku shkruhet: Ishte një nga interpretimet më emocionuese, e më të ndjera në jetën e saj, ai që riktheu pas 25 vitesh, në skenën e madhe të Festivalit të Këngës, Elsa Lilën.

“Evita”, kënga kushtuar vajzës së saj, drithëroi Pallatin e Kongreseve dhe u duartrokit fort jo vetëm nga publiku në sallë, por edhe audienca e gjerë e cila nuk kurseu dashurinë dhe komentet pozitive për artisten.

Elsa mahniti me paraqitjen e saj brilante, interpretimin e fuqishëm, zërin dhe elegancën në skenë. Mes emocioneve të papërshkrueshme, me spektatore, protagonisten e këngës, Evitën e saj, këngëtarja na dhuroi një performancë të paharrueshme. Performancë e cila rrëmbeu trofeun e çmimit të parë të FEST 61, vlerësuar nga juria profesioniste e Festivalit.

Dhe ky trofe sot është në vendin e vet, në duart e Evitës së vogël e cila rrezaton nga lumturia teksa shoqëron të ëmën për të ndarë emocionet e triumfit të Elsës dhe “Evitës”./ CNA.al

 





Lajmet e fundit nga