E fundit!

08:42 Politikë

Mblidhet sot Këshilli Kombëtar i PD-së/ Pritet zgjedhja e Sekretarit të Përgjithshëm, nënkryetarëve dhe strukturave

Partia Demokratike vijon procesin e riorganizimit të brend...

“Po imiton Lady Dianën”/ Aktorja kritikon Meghan Markle

3 Shtator 2022, 15:56, Lifestyle CNA

Meghan Markle

Bethenny Frankel është lodhur duke dëgjuar ankesat e Meghan Markle për jetën e saj si anëtare e familjes mbretërore. Në një episod të ri të podcast-it të saj,"Just B With Bethenny Frankel", të titulluar "The Real Housewife of Buckingham Palace", ish-ylli 51-vjeçar i Real Housewives of New York City kishte “dy fjalë” me Dukeshën e Sussex.

Frankel e krahasoi Markle me një ish-yll të Housewives që u largua dhe më pas gjithmonë fliste për atë gjë nga e cila u përpoq të tërhiqej.

"Dua të ndahem nga familja mbretërore. Më trajtuan tmerrësisht keq...", tha Frankel ironikisht me zërin e Markle. "Unë dua privatësinë time, por dua podcast-in tim. Unë dua privatësinë time, por dua një speciale Netflix."

Këshilla e Frankelit për Markle është: "Lëre të shkojë, Elsa. Ec përpara, krijo ndryshime në të ardhmen dhe lëre atë familje pas, sepse kjo vetëm po krijon më shumë dramë për burrin tënd Princ Harry."

Frankel shtoi se nëse Markle do të ishte në serialin The Real Housewives, producentët do të kishin disa këshilla për të.

"Ajo është si një shtëpiake, flet për ato gjëra që ajo i konsideron si të parëndëshme. Nëse do të ishte në shfaqje, producentët do të thoshin, 'Mos fol për sigurinë dhe gjendjen e vilës Frogmore”, tha Frankel.

Biznesmenja shtoi se e ka problem sesi Markle flet për këto tema në intervista.

"Unë mendoj se njerëzit nuk e pëlqejnë Meghan Markle sepse mendoj se ajo flet me të tjerët. Sillet si e shenjtë," tha ajo. "Unë mendoj se ekziston një delir brenda saj. Ajo mendon se është lart dhe ne jemi poshtë. Ajo mendon se ka njohuri institucionale mbi jetën dhe ka përjetuar më shumë se kushdo prej nesh. Ajo e krahason veten me Nelson Mandelën. I duket vetja shumë e rëndësishme."

Markle dhe Princi Harry dhanë dorëheqjen si anëtarë të lartë të familjes mbretërore në vitin 2020 dhe kanë folur shumë herë për trajtimin e tyre. Që atëherë ata janë zhvendosur me fëmijët e tyre në Montecito, Kaliforni.

Markle së fundmi foli në një kopertinë me The Cut , duke e quajtur largimin e saj nga familja mbretërore si një eksperiencë "të hidhur".

"Unë mund të flas për të gjithë përvojën time, por edhe mund të mos e bëj këtë," tha ajo për median. Kur u pyet nga gazetari se pse ajo vendos të mos flasë, Markle tha se ajo "ende po shërohet".

Një burim i tha më parë ET se "familja mbretërore është e zhgënjyer nga komentet e fundit të Meghan Markle në The Cut dhe në podcastin e saj".

"Ata janë të shqetësuar që pasi u tërhoq nga familja mbretërore, duke pretenduar nevojën për privatësi ,ajo vazhdon të publikojë çështjet e familjes në publik," tha burimi./ CNA.al