web counter
LEXO PA REKLAMA!

SHKARKO APP

App Store
Google Play

E fundit!

x

“Nuk kam bërë asgjë të gabuar”/ Beatrix Ramosaj rrëfehet për periudhën pas "Big Brother"-it: Traumatike

1 Qershor 2022, 09:51, Lifestyle CNA
“Nuk kam bërë asgjë të gabuar”/ Beatrix Ramosaj
Këngëtarja Beatrix Ramosaj

Këngëtarja Beatrix Ramosaj është bërë pjesë e një live në "Instagram" së bashku me moderatoren Luana Vjollca, ku kanë trajtuar temën e bullizmit.

Beatrix ka rrëfyer se periudha pas "Big Brother"-it ka qenë shumë e vështirë për të pasi ka pasur një negativitet në masë të madhe.

Ajo e ka cilësuar si traumatike të gjithë atë që ka ndodhur brenda dhe jashtë "reality show"-t, "Big Brother", ndërsa thekson se nuk ka bërë asgjë të gabuar.

“Kam qëndruar për 100 ditë e izoluar komplet pa asnjë informacion dhe kur del, nuk del normal. Nuk je në gjendje aq të mirë sa përpara. Ju e dini se sa traumatike ka qenë eksperienca për mua, më e rëndë se të tjerët dhe e kam përjetuar më shumë. Jam përballur me një negativitet shumë të madh, me komente nga më të këqijat.

Ka njerëz që ndërgjegjësohen. Unë mendoj se e mira ka më shumë fuqi sesa e keqja. Nuk dua ta cilësoj e keqja, se mbase dhe ata që bullizojnë kanë kaluar një jetë të tmerrshme që kanë arritur në atë pikë. Besoj se e mira e bën ndryshimin kështu që shoh te vetja një pikë të fortë. Nuk e quaj gabim fare që vendosa të ndaj eksperiencën time dhe të ngrija zërin për diçka që është shumë e gabuar në këtë botë.

Më vjen shumë keq që në vendin tonë, mediat dhe shumë emra të njohur kur shohin një fenomen të tillë, nuk kanë reaguar. U desh një emër shumë i madh, me influencë siç është mami i Rita Orës, që të fillonin dhe të flisnin të tjerët. Gjatë kohës që kam qenë brenda ishte e vështirë dhe për njerëzit e mi sepse janë ofenduar nga shumë njerëz, është shumë e shëmtuar. Nuk e kuptoj atë lloj negativiteti, kundrejt një njeriu që nuk ka bërë asgjë gabim”, ka thënë ndër të tjera Beatrix Ramosaj./ CNA.al

 
 
 
 
 
View this post on Instagram
 
 
 
 
 
 
 
 
 
 
 

A post shared by LUANA VJOLLCA (@luanavjollca)





Lajmet e fundit nga