web counter
LEXO PA REKLAMA!

SHKARKO APP

App Store
Google Play

Nga reagimi i familjarëve për shtatzëninë te dasma me Dagz/ Einxhel Shkira nuk ruan më sekrete

11 Dhjetor 2022, 08:47, Lifestyle CNA
Nga reagimi i familjarëve për shtatzëninë te dasma me Dagz/
Einxhel Shkira

Ndonëse në fillim nuk ka dashur të ndajë shumë detaje lidhur me reagimin e familjarëve, kur morën vesh lajmin e shtatzënisë, tashmë Einxhel Shkira ka ndarë disa detaje.

Moderatorja së fundmi ka dhënë një interviste për revistën “Who”, ku sigurisht nuk munguan edhe pyetjet rreth dasmës.

 “Dasmën më shumë e kemi diskutuar brenda në 'Big Brother', sesa jashtë tij. Me shtatzëninë dhe tani me pritjen e djalit tonë, gjithçka tjetër ka kaluar në plan të dytë. Propozimi erdhi kur më pak e prisja, sepse mendoja se e kishim superuar si akt, duke qenë se tashmë do të bëhemi prindër. Megjithatë, atë ditë do të doja që të dy ta shijonim siç ne dimë, së bashku me miqtë tanë më të mirë, gjë e cila për momentin është jashtë mundësive të mia fizike. Do ndodhë patjetër, sepse i dua ato foto e kujtime në jetën tonë, por s’e kur, nuk di të them një ditë apo kohë të caktuar”, - rrëfeu Einxhel.

Më tej ajo ka folur edhe për reagimin e familjarëve për lajmin e shtatzënisë.

 “Me disa prej tyre ka qenë e lehtë, e me disa e vështirë. Mamaja ime ka qenë personi që i druhesha më shumë kur t’i jepja lajmin, për shkak të përjetimeve të saj të saj të forta emocionale. Kisha frikë mos i bëja dëm me lajmin tim 'bombastik', por ndërkohë nuk mund ta mbaja më të fshehtë se barku po rritej. Dhe mund të them që mami ka pasur reagimin më të fortë dhe më të bukur për mua, sepse e kam ndier me shpirt dëshirën e saj që unë të bëhesha nënë”- tregoi Einxhel.

“Po familja e re ku do të jetojë, në Kosovë apo në Shqipëri?”- ishte një tjetër pyetje që iu drejtua Einxhel, e cila u përgjigj:

“Pak nga të dyja, siç është dhe ky fëmijë që u përket të dyja tokave, ashtu do përpiqemi dhe të ne të jemi prezent në të dyja shtetet, pranë familjeve tona, por edhe projekteve, bashkëpunuesve dhe përkrahësve tanë. Por le të themi që Kosovën do ta mbajmë pak me hatër sepse aty po blejmë strehën e parë të familjes sonë.”/CNA.al





Lajmet e fundit nga