web counter
LEXO PA REKLAMA!

SHKARKO APP

App Store
Google Play

Nga marrëdhënia me Arbana Osmanin, këshilla për Trixën dhe falja e Arbër Hajdarit/ Einxhel thotë gjithçka

27 Tetor 2022, 11:24, Lifestyle CNA

Nga marrëdhënia me Arbana Osmanin, këshilla për Trixën

Einxhel Shkira së fundmi ka realizuar një video "LIVE" në "YouTube", ku ka folur rreth eksperiencës në "Big Brother Vip Albania".

Ajo ka treguar se mes saj dhe Arbana Osmanit nuk ka asnjë hatërmbetje.

 “Pavarësisht skenarit, ne kemi qenë të paparashikueshëm. Arbana ka bërë çdo gjë që i është dukur e drejtë ose e arsyeshme. Nuk ka pasur ndonjë gjë personale kundrejt meje. Ne kemi një marrëdhënie shumë të mirë bashkë. Pak më përpara, ajo më shkroi për ftesat e filmit 'Sofia', kështu që nuk ndiej se ka diçka për kërkesë faljeje mes njëra-tjetrës”, - u shpreh ajo.

Sakaq, për raportin e saj me Beatrixën, Einxhel shprehet se ato shkojnë mirë, si dhe i kujton sërish që njerëzit e duan, pasi kohët e fundit Trixa nuk është shfaqur mjaft e lumtur në postimet e saj, ku ka shprehur se ndihet e stresuar dhe ka pasur atak paniku.

 “Beatrix ka pasur pasiguritë e saj, ato gjendjet e saj emocionale. Unë kam një temperament komplet tjetër, por e kemi gjetur veten shumë te njëra-tjetra në situata të ndryshme. Unë po të isha në vendin e saj dhe dikush përballë do të vinte në pikëpyetje ndjenjën time, ndoshta dhe unë do të isha bërë agresive. Unë e kam paralajmëruar Trixën që mos të harrojë se sa shumë e duam…”- u shpreh ajo.

Einxhel ka komentuar edhe pak raportin e saj me opinionistin Arbër Hajdari. Ajo tregoi se Arbër Hajdari i ka kërkuar falje lidhur me dyshimet e tij për lidhjen e saj më Dj Dagz.

 “Arbri në dy intervista, më ka kërkuar ndjesë për atë që më ka lënduar më shumë. Ka qenë momenti kur ai tha se nuk jam dukur në siklet për puthjen me Dagz kur në fakt nuk ishte aspak ashtu. Ata e menduan si një lojë ose aktrim nga ana ime. Me kalimin e kohës kuptuan se çdo gjë ishte mjaft reale”, - u shpreh Einxhel./CNA.al

 





Lajmet e fundit nga