web counter
LEXO PA REKLAMA!

SHKARKO APP

App Store
Google Play

Ndarja e çiftit Shakira-Pique/ Merret vendimi për kujdestarinë e fëmijëve

9 Nëntor 2022, 13:18, Lifestyle CNA
Ndarja e çiftit Shakira-Pique/ Merret vendimi për kujdestarinë
Shakira Pique

Ylli kolumbian i pop-it, Shakira, ka arritur një marrëveshje me ish-partnerin Gerard Pique mbi kujdestarinë e dy fëmijëve të tyre pas prishjes së marrëdhënies së tyre 11-vjeçare në fillim të këtij viti, tha të martën përfaqësuesi i Shakirës në Spanjë.

Detajet e marrëveshjes do të zbulohen më vonë të martën, tha përfaqësuesi.

Sipas gazetës lokale "La Vanguardia", marrëveshja specifikon se djemtë e tyre, Milan, 9 vjeç dhe Sasha, 7 vjeç, do të transferohen në Miami me nënën e tyre.

Shakira Mebarak, 45 vjeç, dhe mbrojtësi i FC Barcelona, ??Pique, 35 vjeç, ishin bashkë që nga viti 2011, por nuk u martuan kurrë. Ata u takuan pak para Kupës së Botës 2010 në Afrikën e Jugut, kur ai u shfaq në videoklipin e Shakirës "Waka Waka (This Time for Africa)", kënga zyrtare e turneut.

Ata bënë publike fundin e lidhjes së tyre në një deklaratë të qershorit.

Marrëveshja për kujdestarinë u arrit një javë pasi Pique njoftoi tërheqjen e tij të afërt nga futbolli profesionist dhe largimin nga FC Barcelona./CNA.al





Lajmet e fundit nga