web counter
LEXO PA REKLAMA!

SHKARKO APP

App Store
Google Play

Momente paniku në Paris/ Këngëtari ‘shembet’ në tokë gjatë koncertit, ndërron jetë në skenë

16 Tetor 2022, 22:02, Lifestyle CNA
Momente paniku në Paris/ Këngëtari ‘shembet’ në
Foto nga momenti kur Michaben ndërroi jetë

Këngëtari nga Haiti, Michael Benjamin, i njohur me emrin e artit Mikaben, ndërroi jetë të shtunën në mbrëmje gjatë një koncerti në "Accor Arena" në Paris, duke shkaktuar kaos e panik.

Dashamirët e muzikës u mblodhën në 'Accor Arena' për të festuar njëzetvjetorin e grupit haitian, por koncerti, i cili supozohej të ishte një natë feste, rezultoi tragjik.

Këngëtari 41-vjeçar, i ftuar në skenë për të kënduar nga grupi Carimi, u rrëzua duke zbritur nga skena pasi performoi këngën hit "Ou Pati" para rreth 10 mijë njerëzve.

Sipas gazetës "Le Parisien", edhe pse ndihma e shpejtë mbërriti në vendngjarje, ata nuk mundën ta kthenin në jetë këngëtarin.

Pas ngjarjes, autoritetet i kërkuan publikut të largohej.

Mediat franceze, duke iu referuar mjekëve, raportojnë se Mikaben dyshohet të jetë ndarë nga jeta si pasojë e një sëmundjeje.

Michael Benjamin, i lindur në Port-au-Prince, kryeqyteti i Haitit, në 1981, është djali i artistit Lionel Benjamin.

Mikaben, i cili themeloi grupin muzikor Krézi, mori pjesë në këngët hit të Carimit "Më mungon" në vitin 2013.

Ndërsa fansat e tij ndanin mesazhe duke thënë se ishin të tronditur në rrjetet sociale, kryeministri i Haitit, Ariel Henry, deklaroi se ishte në pikëllim të madh për vdekjen e Mikaben./ B.A. – CNA.al





Lajmet e fundit nga