web counter
LEXO PA REKLAMA!

SHKARKO APP

App Store
Google Play

Gjergj Jorgaqi feston 58-vjetorin, kantautori me kontributet e çmuara në muzikë

11 Tetor 2024, 11:12, Lifestyle CNA
Gjergj Jorgaqi feston 58-vjetorin, kantautori me kontributet e çmuara
Gjergji Jorgaqi

Gjergji Jorgaqi, një nga kantautorët më të mirë të muzikës shqiptare, feston këtë 11 tetor ditëlindjen e 58-të.

Kantautori dhe këngëtari njihet si një nga figurat më të respektuara të Korçës dhe jo vetëm.

Për shumë vite ai u vendos në Tiranë, ndërsa tashmë është kthyer të jetojë në vendin e origjinës, në fshatin turistik të Dardhës.

Gjergji Jorgaqi ka korrur një sukses të jashtëzakonshëm në muzikë, ku numëron më shumë se 55 këngë dhe disa albume.

Gjergj Jorgaqi feston 58-vjetorin, kantautori me kontributet e çmuara
Gjergji Jorgaqi

Disa nga këngët e Gjergji Jorgaqit vijojnë të dëgjohen edhe në ditët e sotme, siç është “Në k’të natë” apo edhe shumë të tjera.

Ai ka lënë gjurmë të mëdha me rrokun e pastër të viteve '80, që na e ka rikthyer edhe së fundmi me zërin e tij potent në projektin në bashkëpunim me Rubin Kason.

Gjergji Jorgaqi i ka munguar për shumë vite tregut muzikor për shkak të shkëputjes së gjatë në skenat e mëdha.

Në daljet e tij publike, ai ka shprehur rezerva për muzikën e artistëve të rinj, për të cilët ka deklaruar se po degjenerojnë muzikën.

Kantautori dhe këngëtari shumë i dashur është shprehur se konkurrenca nuk është e drejtë në botën e muzikës.

Megjithatë, pavarësisht mungesës në skenë, Gjergji Jorgaqi vijon të jetë një nga artistët më të dashur për shqiptarët./ CNA

Gjergj Jorgaqi feston 58-vjetorin, kantautori me kontributet e çmuara
Gjergji Jorgaqi




Lajmet e fundit nga