web counter
LEXO PA REKLAMA!

SHKARKO APP

App Store
Google Play

E fundit!

x

Cameron Diaz trafikoi drogë në Marok/ Tregon si i shpëtoi policisë

10 Korrik 2022, 15:21, Lifestyle CNA
Cameron Diaz trafikoi drogë në Marok/ Tregon si i shpëtoi
Cameron Diaz

Cameron Diaz ka treguar për herë të parë se gjatë viteve '90 ka transportuar drogë, vetëm disa javë para se karriera e saj e aktrimit të niste me një rol kryesor në filmin komedi-fantazi "The Mask". 

Duke folur në podcast "Second Life", Cameron shpjegoi se ajo kishte mbledhur para të mjaftueshme për t'u transferuar në Paris dhe për të ndjekur modelingun - por nuk kishte pasur fat të gjente punë atje.

“Isha atje një vit të plotë dhe nuk punova një ditë. Nuk mund të rezervoja një punë për të shpëtuar jetën time. Më pas gjeta një punë, por, në të vërtetë, isha si 'një mushkë' që transportonte drogë në Marok”, i tha Diaz prezantueses së podcast, Hillary Kerr:

Ajo ka pranuar se nuk ishte në dijeni që mbante substanca të paligjshme deri në mbërritjen në aeroport dhe kur e kuptoi e kapi paniku.

“Kjo ishte fillimi i viteve nëntëdhjetë dhe më dhanë një valixhe të mbyllur që kishte 'kostumet' e mia në të. Unë u thashë, se nuk e di, nuk është e imja, nuk e kam idenë e kujt është. Kjo ishte e vetmja punë që mora në Paris”, u shpreh më tej ajo.

Duke iu shmangur të paktën një dënimi me dhjetë vjet burg për trafik droge, Cameron e la valixhen me zyrtarët, ndërsa u kthye në Francë, duke e përmendur atë si punën e parë dhe të fundit që kishte në Paris.

Por pas arratisjes me fat, Cameron më në fund mori ofertën e saj të madhe në Los Anxhelos, ndërsa iu afrua një agjent i kastingut. 

Producentët po kërkonin një zonjë kryesore për të luajtur së bashku me Jim Carrey në atë që u bë hit i vitit 1994, "The Mask"./CNA.al





Lajmet e fundit nga