web counter
LEXO PA REKLAMA!

SHKARKO APP

App Store
Google Play

E fundit!

x

Zbulimi i NASA-s: Një rezervuar i madh uji nëntokësor në Mars

13 Gusht 2024, 09:33, Kuriozitete CNA
Zbulimi i NASA-s: Një rezervuar i madh uji nëntokësor në
Foto ilustruese

Ekziston mundësia që një rezervuar i madh uji të jetë i vendosur thellë nën sipërfaqen e Marsit brenda shkëmbinjve magmatikë. 

Ky rezervuar i madh uji mund të mbushë një oqean që do të mbulonte sipërfaqen e të gjithë planetit, përfunduan shkencëtarët në bazë të të dhënave të marra nga anija robotike "InSight", e agjencisë NASA, gjatë misionit që eksploroi brendësinë e Marsit. 

Uji, i vendosur rreth 11.5 deri në 20 kilometra nën sipërfaqen e Marsit, potencialisht ofron kushte të favorshme për ruajtjen e jetës mikrobike, qoftë në të kaluarën apo tani, thanë studiuesit, sipas "Reuters".

"Në këto thellësi, korja është mjaft e ngrohtë që uji të ekzistojë si lëng. Në thellësi më të cekëta, uji do të ngrihej, si akulli", tha shkencëtari i Universitetit të Kalifornisë dhe autori kryesor i studimit të botuar të hënën në revistën "Proceedings". 

Anija robotike "InSight" u ul në Mars në vitin 2018 për të studiuar brendësinë e planetit, duke mbledhur të dhëna për shtresat e ndryshme të planetit. Misioni përfundoi në vitin 2022.

Sipërfaqja e Marsit është e ftohtë dhe djerrë sot, por dikur ishte e ngrohtë dhe e lagësht. Studimi sugjeron se pjesa më e madhe e ujit që ishte në sipërfaqen e Marsit u fut në brendësi të planetit.

Hulumtimet gjeologjike kanë treguar se ka pasur liqene, lumenj dhe oqeane në sipërfaqen e planetit më shumë se tre miliardë vjet më parë./CNA  





Lajmet e fundit nga