5 lëndë ushqyese që ju ndikojnë në rritjen e flokëve

4 Qershor 2024, 16:11, Kuriozitete CNA

5 lëndë ushqyese që ju ndikojnë në rritjen e

Shumë prej nesh përdorin maska, vajra dhe serume për të ushqyer flokët, për t’i bërë sa më të shëndetshëm dhe me shkëlqim.

Megjithatë, a e dini se ajo që hani luan një rol të rëndësishëm në shëndetin e flokëve tuaj?

Për të pasur flokë të shëndetshëm, është e rëndësishme të kujdeseni për dietën dhe shëndetin tuaj të përgjithshëm.

Sot ne po tregojmë 5 lëndë ushqyese që ju nevojiten për shëndetin e flokëve.

1. Zinku

Zinku është një mineral thelbësor për sintetizimin e keratinës dhe kolagjenit, duke nxitur rritjen e flokëve dhe forcuar fibrat e tyre. Për të rritur sasinë e zinkut në organizëm, rekomandohet të shtoni në dietën tuaj ushqime si midhjet, të verdhat e vezëve, mëlçinë e viçit, tërshërën, farat e kungullit, farat e susamit, majanë e birrës dhe arrat.

2. Hekuri

Një element thelbësor i hemoglobinës është hekuri dhe ky përbërës është jetik për t’u dhënë flokëve oksigjenin që u nevojitet për t’u rritur. Për të siguruar një furnizim të mjaftueshëm me hekur, konsumoni ushqime të pasura me këtë mineral si mëlçinë e viçit, thjerrëzat, qiqrat, fasulet e zeza, spinaqin, arrat dhe majdanozin.

3. Omega-3

Omega-3 ushqejnë folikulat e flokëve dhe kanë një veprim anti-inflamator në lëkurën e kokës. Këto acide yndyrore forcojnë flokët, i ushqejnë, parandalojnë rënien dhe përmirësojnë shkëlqimin dhe strukturën e tyre. Për të siguruar omega-3 në dietën tuaj, konsumoni sardelet, salmonin, vezët, vajrat bimorë, farat e lirit, farat chia, arrat dhe sojën.

4. Vitamina B

Vitamina B nxit prodhimin e keratinës dhe redukton brishtësinë e flokëve. Ushqimet e pasura me vitaminë B përfshijnë spinaqin, lakrën jeshile, brokolin, mishin e viçit, pulën, salmonin, tonin, troftën, vezët, qumështin, qiqrat dhe thjerrëzat.

5. Proteina

Flokët përbëhen nga mbi 90% proteina, prandaj është e rëndësishme të plotësoni nevojat tuaja për proteina çdo ditë. Për të rritur marrjen e proteinave, përfshini në dietën tuaj mishin e pulës, gjelit të detit, vezët, salmonin, farat e lulediellit, orizin integral dhe fasulet./ CNA