web counter
LEXO PA REKLAMA!

SHKARKO APP

App Store
Google Play

Ishulli me “pyll” me ajër të kondicionuar që sfidon vapën përvëluese të Katarit

26 Shkurt 2026, 18:36, Kuriozitete CNA

Ishulli me “pyll” me ajër të kondicionuar që sfidon

Në Katar, ku temperaturat e verës shpesh i detyrojnë njerëzit të strehohen në ambiente të mbyllura, një projekt i ri po ndryshon mënyrën se si përjetohet jeta në natyrë. Në Gewan Island, pranë kryeqytetit Doha, vizitorët mund të shëtisin rehat edhe në kulmin e vapës falë një “pylli” me ajër të kondicionuar.

Bëhet fjalë për “Crystal Walk”, një shëtitore 450 metra e gjatë, e mbuluar me struktura në formë pemësh të veshura me kristale, që krijojnë hije dhe ndihmojnë në ruajtjen e ajrit të freskët të shpërndarë nga ventilatorë të vendosur poshtë dyshemesë. Temperatura mbahet konstante në rreth 21–23°C gjatë gjithë vitit.

Përveç freskisë, zona ofron edhe elementë artistikë, panele kristali të ndriçuara në dysheme me motive nga shkretëtira, deti, bora dhe jeta urbane. Projekti ka fituar edhe rekorde Guinness si qendra më e madhe tregtare në natyrë me ajër të kondicionuar dhe si çatia ndriçuese interaktive më e madhe në botë.

Ishulli, i ndërtuar fillimisht si zonë ndihmëse për projektin rezidencial “The Pearl”, është shndërruar në një destinacion turistik me restorante, kafene, vila private dhe një kompleks hotelerie luksoze në ndërtim, përfshirë zhvillimin e ri të “Corinthia Gewan Island”.

Mbështetësit e projektit besojnë se zhvillime të tilla mund të ndihmojnë në zgjatjen e sezonit turistik përtej muajve të dimrit, duke ofruar alternativa për jetën në natyrë edhe gjatë verës ekstreme të Gjirit./ CNA





Lajmet e fundit nga