web counter
LEXO PA REKLAMA!

SHKARKO APP

App Store
Google Play

E fundit!

x

Aty ku muzika "përqafon" traditën/ Festivalit Folklorik Tipologjik të Sazeve Popullore rikthehet në edicionin e 12-të

3 Tetor 2022, 15:32, Kulturë CNA

Aty ku muzika "përqafon" traditën/ Festivalit Folklorik

Në këtë fundjavë, në juglindje ka startuar edicioni i 12-të i Festivalit Folklorik Tipologjik të Sazeve Popullore. Për herë të dytë radhazi ky event mbahet në Kolonjë, ku si ditë të parë, festivali çeli siparin në Leskovik. Një organizim mjaft I veçantë për të gjithë të apasionuarit pas muzikës popullore të vendit tonë. Janë mjeshtrat e kësaj muzike të cilët vlerësojnë vazhdimësinë e këtij aktiviteti, i cili përcjell traditën e kulturën e krahinave të ndryshme shqiptare.

"Ne kemi ardhur te performojmë live në këtë natë të këndshme, pranuam ftesën me kënaqësi. Është hera e 4 që vijmë në qytetin e Leskovikut dhe ne qe jemi brezi i ri duhet të mbajmë gjallë traditën dhe këto duhet ti shfaqim tek brezat e rinj, normale ti trashëgojmë artin, kulturën e tabanin popullor” – tregon Ervis Rrapaj.

Aty ku muzika "përqafon" traditën/ Festivalit Folklorik

"Grupin e kam krijuar në vitin 1980 dhe nga ai vit e deri më sot kemi marrë pjesë në larmi festivalesh brenda e jashtë shtetit. Ndihem krenar që kam një grup të mrekullueshëm dhe kudo në çdo vend jemi vlerësuar me çmime të ndryshme. E veçanta e grupit tonë është se kemi një djalë të moshës 14 vjeç që i bie klarinetes në mënyrë të mrekullueshme.” – thotë Trifon Qyli, nga sazet e Urës Vajgurore.

"Këtë event e kam vlerësuar maksimalisht deri sa unë marr pjesë si anëtar jurie. Ky festival do të shpalosë arritje të sazeve, të cilat janë rreth 15 në këtë skenë. Në këtë edicion mendoj se do ketë prurje të bukura. Instrumentista virtuoze janë të kalibri që na bën ne te jemi te emocionuar për ti ndjekur e vlerësuar.” – shprehet mjeshtri Fatos Qerimi./CNA.al

Për organizatorin e festivalit ky është tubimi me i madh i mjeshtërve të sazeve ndërkohë që në fund do të ketë dhe çmime për grupet pjesëmarrëse.

"Është tubimi me i madh që interpretojnë saze, ne kemi edicionin e 12 në Leskovik dhe Ersekë. Kemi kënaqësi të kemi 15 grupe pjesëmarrëse, juri me emra të rëndësishëm siç është Fatos Qerimi dhe Bajram Lapi dhe Evgjeni Culi, të cilët do të vlerësojnë grupet në këto 3 netë. Do ketë çmime për grupet pjesëmarrëse.” – tregon Niko Kotherja.





Lajmet e fundit nga