web counter
LEXO PA REKLAMA!

SHKARKO APP

App Store
Google Play

Zbardhet vrasja në Elbasan/ Tre të rinj u zunë me viktimën, bie në pranga një 18-vjeçar

18 Gusht 2022, 12:02, Kronika CNA
Zbardhet vrasja në Elbasan/ Tre të rinj u zunë me viktimën,
Foto nga vrasja në Elbasan

Zbardhet ngjarja e ndodhur mbrëmjen e djeshme në Elbasan, ku mbeti i vrarë me armë zjarri 33-vjeçari Madrit Ulqinaku.

Për këtë ngjarje është vënë në pranga një 18-vjeçar, i përfshirë në konfliktin e çastit dhe është shpallur në kërkim autori i dyshuar i vrasjes dhe një person tjetër i përfshirë në konflikt.

Nga hetimet e kryera rezulton se shtetasit me iniciale H.P., 18 vjeç,  E. D., 18 vjeç dhe K. S., 33 vjeç, janë konfliktuar fillimisht verbalisht me shtetasin M. U. Më pas, shtetasi  H. P. dyshohet se ka qëlluar me armë zjarri pistoletë në drejtim të shtetasit M. U., i cili si pasojë e plagëve të marra, ka humbur jetën në vendngjarje.

Falë reagimit në kohë dhe veprimeve të shpejta dhe profesionale të shërbimeve të Komisariatit të Policisë Elbasan dhe të atyre të DVP Elbasan, si dhe falë krehjes së zonës dhe kontrolleve me shërbime të shumta policie, u bë e mundur kapja dhe arrestimi i njërit prej shtetasve të përfshirë në konflikt, shtetasit:

-E. D., 18 vjeç, banues në Elbasan, për veprën penale "Prodhimi, mbajtja,  blerja apo shitja pa leje e armëve të ftohta", pasi gjatë kontrollit fizik të ushtruar nga shërbimet e Policisë, iu gjetën dhe sekuestruan në cilësinë e provës materiale, një thikë dhe një dorezë metalike.

Vijon puna intensive nga ana e shërbimeve të Policisë, për kapjen e 2 shtetasve të tjerë të shpallur në kërkim.

Ndërkaq, grupi hetimor nën drejtimin e Prokurorisë pranë Gjykatës së Rrethit Gjyqësor Elbasan, vijon punën për sqarimin e plotë të rrethanave të ngjarjes./ B.A. - CNA.al





Lajmet e fundit nga