web counter
LEXO PA REKLAMA!

SHKARKO APP

App Store
Google Play

E fundit!

x

“Vrasja e shekullit”/ Frika e eliminimit largon nga Shqipëria Dem Dollapin

27 Qershor 2022, 20:13, Kronika CNA
“Vrasja e shekullit”/ Frika e eliminimit largon nga Shqipëria
Dem Dollapi

Represioni i skajshëm në kufijtë e një diktature klasike, ka sjellë dhe regresin e Shqipërisë në të gjithë treguesit demokratikë. Një nga këta është sistemi i drejtësisë. Ideja dhe përpjekjet e partnerëve ndërkombëtarë për instalimin e një rrjeti efikas në këtë sistem, kanë mbetur në tentativë për të mos thënë se ka dështuar. Vetingu i pritur si një "armë" shpresëdhënëse kundër korrupsionit në drejtësi, tashmë rezulton më shumë si një shpatë diskriminuese mbi kokat e gjuetarëve pa mbështetje politike, mafioze, klanore dhe krahinore. Tashmë kjo rrjetë në duart e peshkut të madh të kupolës qeveritare kap të pafajshmit dhe peshqit e vegjël duke siguruar përfundimisht qelbjen e "peshkut" të drejtësisë nga koka. Kjo ka paraprirë skandalet e njëpasnjëshme që konturojnë sot gjyqësorin dhe prokurorinë shqiptare. Shkarkim emërimet të direktuara nga shefi i madh, kanë bërë që krimi i organizuar, krimi politik të përqendrojë një potencial e arsenal të rrezikshëm kurajoje për demontuar dhe elementin e fundit të shpresës se në Shqipëri mund të ketë drejtësi.

Një operacion mafioz i mbështetur dhe dirigjuar nga shefat politikë është dhe risjellja në skenë e dosjes "Hajdari" me qëllim manipulimin e saj në favor të vrasësve që tashmë vuajnë dënimin. Manipulimi nuk është thjesht një lëvizje për zbutjen e dënimit të tyre  por për lirimin dhe shkarkimin e tyre nga akuza për vrasjen e organizuar të liderit të Dhjetorit, Azem Hajdari. Kjo ka sjellë një riaktivizim të shumë elementëve dhe segmenteve të lidhura me vrasjen politike të shekullit.

Një ndodhi shumë domethënëse është ikja e Demë Dollapit (Dollapaj) nga Shqipëria. Demë Dollapi (Dollapaj) është një personazh shumë i njohur për publikun si mbështetës i rangut të parë i Partisë Demokratike. Dhe ata që e njohin, e dinë mirë se ikja e tij mund të ketë ardhur vetëm si rezultat i kërcënimeve ekstreme. Por edhe sipas informacioneve të konfirmuar nga vetë ai, bëhet fjalë për një kërcënim të hapur, të mirëmenduar e organizuar i cili me gjasë nuk ka objektiv vetëm Demë Dollapin(Dollapaj) si një dëshmitar shumë i rëndësishëm i çështjes. I thirrur në një nga seancat si dëshmitar, z. Dollapi (Dollapaj) ka konfirmuar edhe njëherë me dëshminë e tij fajësinë e të dënuarve.

Gjithsesi, duke pasur parasysh faktin se dëshmitë e z. Dollapi (Dollapaj) janë vërtet të rëndësishme, por jo të panjohura si zhvillime, e kemi të vështirë për të imagjinuar se çfarë mund të ngjajë me dëshmitarë të tjerë të mundshëm. Situata tejet biotike për lulëzimin e krimit, e krijuar gjatë viteve të fundit mund të sjellë zhdukje në masë të dëshmitarëve, jo vetëm për dosjen Hajdari, e cila është shumë delikate dhe politike njëkohësisht, por dhe për dhjetëra çështje të tjera që kanë të bëjnë e krime mafioze shumë të bujshme apo me korrupsion të niveleve të larta. Në këto kushte, Demë Dollapi (Dollapaj), i cili është kërcënuar me jetë mund të quhet me fat që ka arritur të arratiset nga Shqipëria. Por lind pyetja edhe sa të tjerë do të mund t'i shpëtojnë "industrisë" së eliminimit fizik të dëshmitarëve? Se këtu nuk bëhet fjalë për një emër apo rast të vetëm siç është ky i Demë Dollapit(Dollapaj) . Por bëhet fjalë për një fenomen allasiçilian i cili do të krijonte një dështim të çdo tentative për vënien e drejtësisë në vend./CNA.al





Lajmet e fundit nga