web counter
LEXO PA REKLAMA!

SHKARKO APP

App Store
Google Play

Vijojnë hetimet për vrasjen e 30-vjeçarit në Vlorë/ Disa të shoqëruar në Komisariat

14 Janar 2025, 10:52, Kronika CNA
Vijojnë hetimet për vrasjen e 30-vjeçarit në Vlorë/
Foto nga vendi i ngjarjes

Mësohet se rreth 10 persona janë pyetur nga policia në lidhje me ngjarjen e rëndë që ndodhi mbrëmjen e djeshme në Vlorë, ku u krye atentat ndaj një 30-vjeçari për shkaqe ende të pazbardhura zyrtarisht.

Mbrëmjen e djeshme, policia kreu kontrolle në Rrëshen dhe vendosi pika kontrolli në hyrje-dalje të qytetit.

Personat që janë marrë në pyetje janë kryesisht ata që kanë qenë në vendin e ngjarjes dhe kanë parë se si ka ndodhur vrasja e 30-vjeçarit në autostradën Fier-Vlorë.

Gjithashtu, në Komisariat janë shoqëruar edhe familjarë të viktimës të cilët janë pyetur në lidhje me të shkuarën e tij apo konflikteve që mund të ketë pasur në të shkuarën.

Ngjarja e rëndë ndodhi rreth orës 18:15, në afërsi të fshatit Novoselë dhe rreth 300 metra më larg u gjet e djegur edhe makina e dyshuar e autorëve.

Viktima, i identifikuar me inicialet K.M., ishte me precedent të mëparshëm kriminal, pasi në 2023 kishte qëlluar për vdekje një shtetas dhe kjo lë vend për të dyshuar se ngjarja ka ndodhur për shkaqe hakmarrjeje.

Policia vijon hetimet pasi ende nuk ka një informacion zyrtar në lidhje me vrasjen dhe autorët janë ende të paidentifikuar./CNA





21:39 Kronika

Vrasje në Tiranë

Një 56 vjeçar është ekzekutuar tek "pallati me shigjeta" n...

Lajmet e fundit nga