web counter
LEXO PA REKLAMA!

SHKARKO APP

App Store
Google Play

I dënuar me burg nga GJKKO/Arrestohet në Britani 34-vjeçari

11 Janar 2025, 19:36, Kronika CNA
I dënuar me burg nga GJKKO/Arrestohet në Britani 34-vjeçari
Foto ilustruese

Një shtetas shqiptar, me inicialet E.M., i cili ishte shpallur në kërkim ndërkombëtar është arrestuar nga autoritetet britanike me qëllim ekstradimin në vendin tonë.

34-vjeçari është dënuar nga GJKKO për veprat penale "sigurimi i kushteve dhe mjeteve materiale për të kryer vrasje", "pjesëmarrje në grup të strukturuar kriminal" dhe "grup të strukturuar kriminal."

Njoftimi i Policisë:

Finalizohet nga autoritetet britanike, pas shkëmbimit të informacionit me Policinë e Shtetit, operacioni policor i koduar “Another”.

Si rezultat i shkëmbimit të informacioneve mes Policisë së Shtetit dhe autoriteteve britanike, është bërë i mundur lokalizimi, kapja dhe arrestimi me qëllim ekstradimi i shtetasit të shpallur në kërkim ndërkombëtar, E. M., 34 vjeç.

Ky shtetas ishte shpallur në kërkim ndërkombëtar. Gjykata e Posaçme e Shkallës së Parë për Korrupsionin dhe Krimin e Organizuar, ka caktuar ndaj tij masën e sigurisë “Arrest në burg” për veprat penale: “Sigurimi i kushteve dhe mjeteve materiale për të kryer vrasje, në formë të veçantë dhe në bashkëpunim”, “Grup i strukturuar kriminal”, dhe “Pjesëmarrje në grup të strukturuar kriminal”.

Interpol Tirana, në bashkëpunim me Interpol Manchester, po vijon procedurat për ekstradimin e këtij shtetasi drejt vendit tonë./CNA

 





Lajmet e fundit nga