E fundit!

21:34 Aktualitet

Protestat në Tiranë/ Eksperti i sigurisë: Prapavijë e huaj që e shfrytëzon dhe shumicë radikale në rrjete

Eksperti i sigurisë, Ervin Karamuço, ngriti sot dy shqetës...

41-vjeçarja që u vetëhelmua për bullizimin në “TikTok”, bëri kallëzim në 2022-shin

5 Janar 2024, 17:43, Kronika CNA

41-vjeçarja që u vetëhelmua për bullizimin në

Policia ka dalë me një reagim zyrtar në lidhje me rastin e gruas, e cila u vetëhelmua me fotoksinë, pasi i kishin hapur një profil denigues në rrjetin sociale “TikTok”.

Blutë bëjnë me dije se 41-vjeçarja me iniciale B. L. kishte bërë një denoncim për këtë profil në dhjetor të vitit 2022.

Pas këtij kallëzimi nisën hetimet në prokurori, ndërsa policia deklaron se nuk 41-vjeçarja nuk bëri kallëzime të tjera për profilin e rremë.

Në njoftim thuhet e në datën 2 janar të këtij viti u informuan nga spitali për vetëhelimin e qytetares, e cila më pas humbi jetën.

Deklarata e policisë:

Në lidhje me një lajm të publikuar në media, për një shtetase që ka humbur jetën pasi dyshohet se ka konsumuar fotoksinë, për shkak të bullizmit, ju sqarojmë se:

Më datë 02.01.2024, në orën 16:30, jemi njoftuar nga shërbimet e spitalit se shtetasja B. L., 41 vjeçe, që dyshohej se kishte konsumuar lëndë helmuese fotoksinë, edhe pse kishte marrë ndihmë mjekësore, nuk kishte mundur të jetonte.

Drejtoria Vendore e Policisë Durrës ka kryer të gjitha veprimet me grup hetimor, në drejtimin e Prokurorisë, dhe materialet janë referuar në Prokurori.

Sqarojmë se në dhjetor të vitit 2022, shtetasja B. L. ka bërë kallëzim se në rrjetet sociale ishte hapur një adresë false me emrin e saj.

Për kallëzimin e bërë në dhjetor 2022, Policia ka kryer të gjitha veprimet dhe i ka referuar materialet në Prokurori dhe çështja është në hetim në Prokurori. Pas këtij kallëzimi nuk ka patur asnjë kallëzim apo shqetësim nga shtetasja B. L, për këtë rast.

Në drejtimin e Prokurorisë së Durrësit vijojnë hetimet për zbardhjen e plotë të rrethanave të këtij rasti.

Ndërkohë që vijojnë hetimet intensive për identifikimin dhe vënien përpara përgjegjësisë ligjore të shtetasve që kanë keqpërdorur të dhënat e shtetases B. L./ CNA