web counter
LEXO PA REKLAMA!

SHKARKO APP

App Store
Google Play

Ushtroi prostitucion në Belgjikë/ Prokuroria e Elbasanit i sekuestron pasurinë një shtetasi

24 Qershor 2025, 11:28, Kronika CNA

Ushtroi prostitucion në Belgjikë/ Prokuroria e Elbasanit i sekuestron

Prokuroria e Elbasanit ka sekuestruar pasurinë e shtetasit A. K., i cili është dënuar në Belgjikë për “Ushtrim prostitucioni”.

Është konfiskuar një objekt dykatësh, bar, restorant dhe hotel në Cërrik në pronësi të A. K.

Dyshohet se pasuria e tij rrjedh nga aktiviteti kriminal në Belgjikë.

Gjykata e Apelit në Bruksel për prostitucion e ka dënuar me 5 vite burgim, si dhe gjobë prej 84 mijë eurosh së bashku me disa shtetas të tjerë shqiptarë.

 

Njoftimi i Prokurorisë së Elbasanit

 

Me kërkesë të Prokurorisë Elbasan konfiskohet pasuria: hotel, bar e restorant e shtetasit A.K., i dënuar në Belgjikë për ‘Ushtrim prostitucioni’

 

Me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm, Elbasan, u konfiskua pasuria e shtetasit A.K. i dënuar në Bruksel, Belgjikë për veprën penale ‘Ushtrim prostitucioni’.

 

Në kuadër të hetimeve mbi procedimin pasuror nr.11 të vitit 2020, prokuroria kërkoi konfiskimin e një objekti 2-katësh, bar dhe restorant dhe hotel në pronësi të shtetasit A.K. në zonën kadastrale nr.2559 në Malasej, Cërrik pasi provoi se shtetasi në fjalë nuk justifikon pasuritë e vendosura në vite me të ardhurat. Prokuroria pranë Gjykatës së Shkallës së Parë të Juridiksionit të Përgjithshëm, Elbasan kërkoi konfiskimin pasi dyshon se pasuria e shtetasit A.K. rrjedh nga aktiviteti i tij kriminal në Belgjikë.

 

Ky shtetas, rezulton i dënuar me vendim të formës së prerë nga Gjykata e Apelit në Bruksel për prostitucion dhe është dënuar me 5 vite burgikm si dhe gjobë prej 84 mijë eurosh së bashku me disa shtetas të tjerë shqiptar.

 

Hetimet vijojnë për personat e tjerë, të cilët rezultojnë të dënuar së bashku me shtetasin A.K. në Belgjikë.





Lajmet e fundit nga