web counter
LEXO PA REKLAMA!

SHKARKO APP

App Store
Google Play

E fundit!

x

U sulmua një ditë më parë/ Flet i gjakosur biznesmeni Arben Çipa: Në makinë më janë vërsulur me grushta e gurë

22 Shkurt 2025, 21:52, Kronika CNA

U sulmua një ditë më parë/ Flet i gjakosur biznesmeni Arben

Janë publikuar pamje nga dhuna që u ushtrua ditën e djeshme ndaj kreut të Operatorëve Turistikë dhe biznesmenit Arben Çipa. Pas një konflikti me dy persona, biznesmeni është sulmuar nga këta të fundit.

Në videon e publikuar, Çipa thotë se administratori i një firme dhe një person që e shoqëronte i kanë prerë rrugën. Biznesmeni thotë se kanë diskutuar për një çështje për një projekt të tijin, të dy personat kanë filluar ta fyejnë.

Çipa vijon duke treguar se më pas të dy personat i janë futur në makinë dhe e kanë sulmuar me grushta dhe gurë, duke e sjellë në gjendjen që shfaqet në video, me fytyrën e mbuluar nga gjaku.

 

 

“Është ora 16:10, duke shkuar në punën time. Në Heremec, në rrugë e sipër, një person me emrin Dio, administrator i “Four Elements”, më ka prerë rrugën, bashkë me një person tjetër, të shoqëruar, dhe duke diskutuar për një çështje që ai është bërë pengesë, për një projekt timin, ata kanë dalë dhe filluar me fyerje. Kur ata filluan me fyerje, unë padyshim nuk i kam pranuar.

Në këtë kohë, kanë shfrytëzuar momentin dhe brenda në makinën time të dy personat më janë vërsulur me grushta, me gurë, e tjera, e tjera. Kam tentuar të mbrohem, por e pamundur në atë moment. Dhe ka arritur momenti që më kanë krijuar një situatë të tillë, në krejt trupin tim. Kjo video është për ta pasur si provë, edhe ajo ç’ka përshkruaj, por edhe ajo çfarë ka ndodhur”, thotë biznesmeni në video.

 

Pas sulmit, Arben Çipa është transferuar menjëherë në spital./ CNA

 

 

 

 

 





Lajmet e fundit nga